ಶಿವೋಪಾಸನ ಮಂತ್ರಾಃ

ಶಿವೋಪಾಸನ ಮಂತ್ರಾಃ ಓಂ ನಿಧ॑ನಪತಯೇ॒ ನಮಃ । ನಿಧನಪತಾಂತಿಕಾಯ॒ ನಮಃ । ಊರ್ಧ್ವಾಯ॒ ನಮಃ । ಊರ್ಧ್ವಲಿಂಗಾಯ॒ ನಮಃ । ಹಿರಣ್ಯಾಯ॒ ನಮಃ । ಹಿರಣ್ಯಲಿಂಗಾಯ॒ ನಮಃ । ಸುವರ್ಣಾಯ॒ ನಮಃ । ಸುವರ್ಣಲಿಂಗಾಯ॒ ನಮಃ । ದಿವ್ಯಾಯ॒ ನಮಃ । ದಿವ್ಯಲಿಂಗಾಯ॒ ನಮಃ । ಭವಾಯಃ॒ ನಮಃ । ಭವಲಿಂಗಾಯ॒ ನಮಃ । ಶರ್ವಾಯ॒ ನಮಃ । ಶರ್ವಲಿಂಗಾಯ॒ ನಮಃ । ಶಿವಾಯ॒ ನಮಃ । ಶಿವಲಿಂಗಾಯ॒ ನಮಃ । ಜ್ವಲಾಯ॒ ನಮಃ । ಜ್ವಲಲಿಂಗಾಯ॒ ನಮಃ । ಆತ್ಮಾಯ॒ ನಮಃ । ಆತ್ಮಲಿಂಗಾಯ॒ ನಮಃ । ಪರಮಾಯ॒ ನಮಃ । ಪರಮಲಿಂಗಾಯ॒ ನಮಃ । ಏತತ್ಸೋಮಸ್ಯ॑ ಸೂರ್ಯ॒ಸ್ಯ ಸರ್ವಲಿಂಗಗ್ಗ್॑ ಸ್ಥಾಪ॒ಯ॒ತಿ॒ ಪಾಣಿಮಂತ್ರಂ ಪವಿ॒ತ್ರಮ್ ॥ ಸ॒ದ್ಯೋ ಜಾ॒ತಂ ಪ್ರ॑ಪದ್ಯಾ॒ಮಿ॒ ಸ॒ದ್ಯೋ ಜಾ॒ತಾಯ॒ ವೈ ನಮೋ॒ ನಮಃ॑ । ಭ॒ವೇ ಭ॑ವೇ॒ ನಾತಿ॑ಭವೇ ಭವಸ್ವ॒ ಮಾಮ್ । ಭ॒ವೋ-ದ್ಭ॑ವಾಯ॒ ನಮಃ॑ ॥ ವಾ॒ಮ॒ದೇ॒ವಾಯ॒ ನಮೋ᳚ ಜ್ಯೇ॒ಷ್ಠಾಯ॒ ನಮಃ॑ ಶ್ರೇ॒ಷ್ಠಾಯ॒ ನಮೋ॑ ರು॒ದ್ರಾಯ॒ ನಮಃ॒ ಕಾಲಾ॑ಯ॒ ನಮಃ॒ ಕಲ॑ವಿಕರಣಾಯ॒ ನಮೋ॒ ಬಲ॑ವಿಕರಣಾಯ॒ ನಮೋ॒ ಬಲಾ॑ಯ॒ ನಮೋ॒ ಬಲ॑ಪ್ರಮಥನಾಯ॒ ನಮ॒ ಸ್ಸರ್ವ॑ಭೂತದಮನಾಯ॒ ನಮೋ॑ ಮ॒ನೋನ್ಮ॑ನಾಯ॒ ನಮಃ॑ । ಅ॒ಘೋರೇ᳚ಭ್ಯೋ ಽಥ॒ಘೋರೇ᳚ಭ್ಯೋ॒ ಘೋರ॒ಘೋರ॑ತರೇಭ್ಯಃ । ಸರ್ವೇ᳚ಭ್ಯಃ ಸರ್ವ॒ ಶರ್ವೇ᳚ಭ್ಯೋ॒ ನಮ॑ಸ್ತೇ ಅಸ್ತು ರು॒ದ್ರರೂ॑ಪೇಭ್ಯಃ ॥ ತತ್ಪುರು॑ಷಾಯ ವಿ॒ದ್ಮಹೇ॑ ಮಹಾದೇ॒ವಾಯ॑ ಧೀಮಹಿ । ತನ್ನೋ॑ ರುದ್ರಃ ಪ್ರಚೋ॒ದಯಾ᳚ತ್ ॥ ಈಶಾನಃ ಸರ್ವ॑ವಿದ್ಯಾ॒ನಾ॒-ಮೀಶ್ವರಸರ್ವ॑ ಭೂತಾ॒ನಾಂ॒ ಬ್ರಹ್ಮಾಧಿ॑ಪತಿ॒-ರ್ಬ್ರಹ್ಮ॒ಣೋಽಧಿ॑ಪತಿ॒-ರ್ಬ್ರಹ್ಮಾ॑ ಶಿ॒ವೋ ಮೇ॑ ಅಸ್ತು ಸದಾಶಿ॒ವೋಮ್ ॥ ನಮೋ ಹಿರಣ್ಯಬಾಹವೇ ಹಿರಣ್ಯವರ್ಣಾಯ ಹಿರಣ್ಯರೂಪಾಯ ಹಿರಣ್ಯಪತಯೇಽಂಬಿಕಾಪತಯ ಉಮಾಪತಯೇ ಪಶುಪತಯೇ॑ ನಮೋ॒ ನಮಃ ॥ ಋ॒ತಗ್ಂ ಸ॒ತ್ಯಂ ಪ॑ರಂ ಬ್ರ॒ಹ್ಮ॒ ಪು॒ರುಷಂ॑ ಕೃಷ್ಣ॒ಪಿಂಗ॑ಲಮ್ । ಊ॒ರ್ಧ್ವರೇ॑ತಂ-ವಿಁ॑ರೂಪಾ॒ಕ್ಷಂ॒-ವಿಁ॒ಶ್ವರೂ॑ಪಾಯ॒ ವೈ ನಮೋ॒ ನಮಃ॑ ॥ ಸರ್ವೋ॒ ಹ್ಯೇ॑ಷ ರು॒ದ್ರಸ್ತಸ್ಮೈ॑ ರು॒ದ್ರಾಯ॒ ನಮೋ॑ ಅಸ್ತು॒ । ಪುರು॑ಷೋ॒ ವೈ ರು॒ದ್ರಸ್ಸನ್ಮ॒ಹೋ ನಮೋ॒ ನಮಃ॑ । ವಿಶ್ವಂ॑ ಭೂ॒ತಂ ಭುವ॑ನಂ ಚಿ॒ತ್ರಂ ಬ॑ಹು॒ಧಾ ಜಾ॒ತಂ ಜಾಯ॑ಮಾನಂ ಚ॒ ಯತ್ । ಸರ್ವೋ॒ ಹ್ಯೇ॑ಷ ರು॒ದ್ರಸ್ತಸ್ಮೈ॑ ರು॒ದ್ರಾಯ॒ ನಮೋ॑ ಅಸ್ತು॒ । ಕ-ದ್ರು॒ದ್ರಾಯ॒ ಪ್ರಚೇ॑ತಸೇ ಮೀ॒ಢುಷ್ಟ॑ಮಾಯ॒ ತವ್ಯ॑ಸೇ । ವೋ॒ಚೇಮ॒ ಶಂತ॑ಮಗ್ಂ ಹೃ॒ದೇ । ಸರ್ವೋ॒ ಹ್ಯೇ॑ಷ ರು॒ದ್ರಸ್ತಸ್ಮೈ॑ ರು॒ದ್ರಾಯ॒ ನಮೋ॑ ಅಸ್ತು॒ । ಮಾ ನೋ॑ ಮ॒ಹಾಂತ॑ಮು॒ತ ಮಾ ನೋ॑ ಅರ್ಭ॒ಕಂ ಮಾ ನ॒ ಉಕ್ಷಂ॑ತಮು॒ತ ಮಾ ನ॑ ಉಕ್ಷಿ॒ತಮ್ । ಮಾ ನೋ॑ ವಧೀಃ ಪಿ॒ತರಂ॒ ಮೋತ ಮಾ॒ತರಂ॑ ಪ್ರಿ॒ಯಾ ಮಾ ನ॑ಸ್ತ॒ನುವೋ॑ ರುದ್ರ ರೀರಿಷಃ । ಮಾ ನ॑ಸ್ತೋ॒ಕೇ ತನ॑ಯೇ॒ ಮಾ ನ॒ ಆಯು॑ಷಿ॒ ಮಾ ನೋ॒ ಗೋಷು॒ ಮಾ ನೋ॒ ಅಶ್ವೇ॑ಷು ರೀರಿಷಃ । ವೀ॒ರಾನ್ಮಾ ನೋ॑ ರುದ್ರ ಭಾಮಿ॒ತೋಽವ॑ಧೀರ್​ಹ॒ವಿಷ್ಮಂ॑ತೋ॒ ನಮ॑ಸಾ ವಿಧೇಮ ತೇ । ತ್ರ್ಯಂ॑ಬಕಂ-ಯಁಜಾಮಹೇ ಸುಗಂ॒ಧಿಂ ಪು॑ಷ್ಟಿ॒ವರ್ಧ॑ನಮ್ । ಉ॒ರ್ವಾ॒ರು॒ಕಮಿ॑ವ॒ ಬಂಧ॑ನಾನ್ಮೃ॒ತ್ಯೋರ್ಮು॑ಕ್ಷೀಯ॒ ಮಾಽಮೃತಾ᳚ತ್ । ಯೇ ತೇ॑ ಸ॒ಹಸ್ರ॑ಮ॒ಯುತಂ॒ ಪಾಶಾ॒ ಮೃತ್ಯೋ॒ ಮರ್ತ್ಯಾ॑ಯ॒ ಹಂತ॑ವೇ । ತಾನ್ ಯ॒ಜ್ಞಸ್ಯ॑ ಮಾ॒ಯಯಾ॒ ಸರ್ವಾ॒ನವ॑ ಯಜಾಮಹೇ । ಮೃ॒ತ್ಯವೇ॒ ಸ್ವಾಹಾ॑ ಮೃ॒ತ್ಯವೇ॒ ಸ್ವಾಹಾ᳚ । ಪ್ರಾಣಾನಾಂ ಗ್ರಂಥಿರಸಿ ರುದ್ರೋ ಮಾ॑ ವಿಶಾಂ॒ತಕಃ । ತೇನಾನ್ನೇನಾ᳚ಪ್ಯಾಯ॒ಸ್ವ ॥ ನಮೋ ರುದ್ರಾಯ ವಿಷ್ಣವೇ ಮೃತ್ಯು॑ರ್ಮೇ ಪಾ॒ಹಿ ॥ ತ್ವಮ॑ಗ್ನೇ ದ್ಯುಭಿ॒ಸ್ತ್ವ-ಮಾ॑ಶುಶು॒ಕ್ಷಣಿ॒ಸ್ತ್ವ-ಮ॒ದ್ಭ್ಯಸ್ತ್ವ-ಮಶ್ಮ॑ನ॒ಸ್ಪರಿ॑ । ತ್ವಂ-ವಁನೇ᳚ಭ್ಯ॒-ಸ್ತ್ವಮೋಷ॑ಧೀಭ್ಯ॒-ಸ್ತ್ವನ್-ನೃ॒ಣಾನ್ ನೃ॑ಪತೇ ಜಾಯಸೇ॒ ಶುಚಿಃ॒ ॥ ಶಿ॒ವೇನ॑ ಮೇ॒ ಸಂತಿ॑ಷ್ಠಸ್ವ-ಸ್ಯೋ॒ನೇನ॑ ಮೇ॒ ಸಂತಿ॑ಷ್ಠಸ್ವ ಸುಭೂ॒ತೇನ॑ ಮೇ॒ ಸಂತಿ॑ಷ್ಠಸ್ವ ಯ॒ಜ್ಞಸ್ಯದ್ಭಿ॒ರ್ಮನು॒ ಸಂತಿ॑ಷ್ಠಸ್ವೋಪ॑ ತೇ ಯಜ್ಞ॒ ನಮ॒ ಉಪ॑ ತೇ॒ ನಮ॒ ಉಪ॑ ತೇ॒ ನಮಃ॑ ॥ ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ ।