ಅಗ್ನಿ ಸೂಕ್ತಮ್ (ಋಗ್ವೇದ)

ಅಗ್ನಿ ಸೂಕ್ತಮ್ (ಋಗ್ವೇದ) (ಋ.ವೇ.1.1.1) ಅ॒ಗ್ನಿಮೀ॑ಲೇ ಪು॒ರೋಹಿ॑ತಂ-ಯಁ॒ಜ್ಞಸ್ಯ॑ ದೇ॒ವಮೃ॒ತ್ವಿಜ॑ಮ್ । ಹೋತಾ॑ರಂ ರತ್ನ॒ಧಾತ॑ಮಮ್ ॥ 1 ಅ॒ಗ್ನಿಃ ಪೂರ್ವೇ॑ಭಿ॒ರ್-ಋಷಿ॑ಭಿ॒ರೀಡ್ಯೋ॒ ನೂತ॑ನೈರು॒ತ । ಸ ದೇ॒ವಾ।ಣ್ ಏಹ ವ॑ಕ್ಷತಿ ॥ 2 ಅ॒ಗ್ನಿನಾ॑ ರ॒ಯಿಮ॑ಶ್ನವ॒ತ್ಪೋಷ॑ಮೇ॒ವ ದಿ॒ವೇದಿ॑ವೇ । ಯ॒ಶಸಂ॑-ವೀಁ॒ರವ॑ತ್ತಮಮ್ ॥ 3 ಅಗ್ನೇ॒ ಯಂ-ಯಁ॒ಜ್ಞಮ॑ಧ್ವ॒ರಂ-ವಿಁ॒ಶ್ವತಃ॑ ಪರಿ॒ಭೂರಸಿ॑ । ಸ ಇದ್ದೇ॒ವೇಷು॑ ಗಚ್ಛತಿ ॥ 4 ಅ॒ಗ್ನಿರ್​ಹೋತಾ॑ ಕ॒ವಿಕ್ರ॑ತು-ಸ್ಸ॒ತ್ಯಶ್ಚಿ॒ತ್ರಶ್ರ॑ವಸ್ತಮಃ । ದೇ॒ವೋ ದೇ॒ವೇಭಿ॒ರಾ ಗ॑ಮತ್ ॥ 5 ಯದ॒ಙ್ಗ ದಾ॒ಶುಷೇ॒ ತ್ವಮಗ್ನೇ॑ ಭ॒ದ್ರ-ಙ್ಕ॑ರಿ॒ಷ್ಯಸಿ॑ । ತವೇತ್ತತ್ಸ॒ತ್ಯಮ॑ಙ್ಗಿರಃ ॥ 6 ಉಪ॑ ತ್ವಾಗ್ನೇ ದಿ॒ವೇದಿ॑ವೇ॒ ದೋಷಾ॑ವಸ್ತರ್ಧಿ॒ಯಾ ವ॒ಯಮ್ । ನಮೋ॒ ಭರ॑ನ್ತ॒ ಏಮ॑ಸಿ ॥ 7 ರಾಜ॑ನ್ತಮಧ್ವ॒ರಾಣಾ॑-ಙ್ಗೋ॒ಪಾಮೃ॒ತಸ್ಯ॒ ದೀದಿ॑ವಿಮ್ । ವರ್ಧ॑ಮಾನಂ॒ ಸ್ವೇ ದಮೇ॑ ॥ 8 ಸ ನಃ॑ ಪಿ॒ತೇವ॑ ಸೂ॒ನವೇ-ಽಗ್ನೇ॑ ಸೂಪಾಯ॒ನೋ ಭ॑ವ । ಸಚ॑ಸ್ವಾ ನ-ಸ್ಸ್ವ॒ಸ್ತಯೇ॑ ॥ 9