ವೀರಭದ್ರ ಎನ್ನುವ

ವೀರಭದ್ರ ಭಜನೆ ವೀರಭದ್ರ ವೀರಭದ್ರ ವೀರಭದ್ರ ಎನ್ನುವ | ದುರಿತವೆಲ್ಲ ಹರಿದು ದೂರ ಪಾವನಾತ್ಸರೆನಿಸುವ ||ಪ || ದಕ್ಷಯಜ್ಞದಲ್ಲಿ ಶಿವಗೆ ಮಾನವಿಲ್ಲದಾಯಿತು | ದಕ್ಷಕುವರಿ ಮುಗ್ಗ ಗಿರಿಜೆಯಾತ್ಮದಲ್ಲಿ ದಹಿಸಿತು | ರೂಕ್ಷಚಿತ್ತ ಶಿವಶಿಖಾದ್ ವೀರಶಕ್ತಿ ಜನಿಸಿತು | ಪಕ್ಷಪಾತರಹಿತ ವಿಹಿತ ದುಷ್ಟಶಿಕ್ಷೆಯಾಯಿತು || ನಿನ್ನ ಕೋಪ ಸರ್ವಲೋಕ ಧ್ವಂಸಕರಿಯು | ನಿನ್ನ ಪ್ರೀತಿ ಕರುಣೆಯಿಂದ ಸೌಖ್ಯಶಾಂತಿಯು | ಬನ್ನ ಬಡುತಲಿಹರು ಜನರು ನಿನ್ನ ಸ್ಮರಿಸದೇ | ತನಿಮಿತ ಭಜನೆ ಪೂಜೆ ಸ್ತುತಿಯೊಳಿಂದು ತೊಡಗಿದೆ || ದೇಶದೆಲ್ಲ ರೋಗ ರುಜಿನ ಭಯನಿವಾರಣ | ಆಶ್ರಯವನು ಕರುಣಿಸು ನಿನ್ನ ಪಾವನ ಚರಣ || ಕೇಶವಾದಿ ದೇವ ವೃಂದ ಪ್ರೀತ ನಂದನ | ವಿಶದ ನೇತ್ರ ರುದ್ರ ಗಾತ್ರ ಪತಿತ ಪಾವನ || ಕಾಲರುದ್ರ ಭಕ್ತ ಭದ್ರ ಪಾಪನಾಶನ | ಶೂಲ ಶೂಲ ಮೋಸ ಜಾಲ ಠಕ್ಕ ಭಂಜನ | ಅಳಲನೆಲ್ಲ ನೋಡಿಕೊಳಲು ಹರಕೆ ಸಾಧನ | ತೊಳಲುತಿರುವ ಜನಸಮೂಹ ಪ್ರಾಪ್ತ ಸುಖಧನ || ವೀರಭದ್ರ ಪರಮದೇವ ತೇನಮೋ ನಮೋ | ಸರ್ವಕಾರ್ಯ ಕ್ಷೇತ್ರಪಾಲ ತೇನಮೋ ನಮೋ | ಧರಣಿತಲದಿ ಅಗ್ರಮಾನ್ಯ ತೇನಮೋ ನಮೋ | ಚರಣಕೆರಗಿದೆಮ್ಮ ಭಜನ ತೇನಮೋ ನಮೋ ||