ಜಯನಮೋಹರ ಗೌರಿತನಯಗೆ

ಜಯ ನಮೋಹರ ಗೌರಿತನಯಗೆ ಜಯನಮೋಹರ ಗೌರಿತನಯಗೆ ಜಯನಮೋ ಕರಿವದನಗೆ | ಜಯನಮೋ ಕರುಣಾಸಮುದ್ರಗೆ ಜಯನಮೋ ವಿಘ್ನರಾಜಗೆ || ಪ || ನಾಲ್ಕು ದಳದ ಕರ್ಣಿಕೆಯ ಮಧ್ಯದಿ ಲೋಕಚಕ್ಷುವಿನಂದದಿ | ಜೋಕೆಯಿಂದಲಿ ಪೊರೆದು ಭಕ್ತರ ಶೋಕಮೋಹವ ಬಿಡಿಸಿದೆ || ಏಕದಂತನೆ ಏಕರೂಪನೆ ನಾಕವಾಸಿಗಳೊಡೆಯನೆ | ಆಕೆ ಪಾರ್ವತಿ ಗರ್ಭಸಂಭವ ಲೋಕನಾಯಕ ಪಾಹಿಮಾಂ ||೧|| ಗಂಧ ಕಸ್ತುರಿ ಕುಂಕುಮಾಕ್ಷತೆ ತಂದು ಕೋಮಲ ದೂರ್ಮೆಯ | ಮಂದಮಾರುಗ ಬಿಲ್ವಪತ್ರೆಗಳಿಂದ ಪೂಜೆಯ ಮಾಡಲು | ನಿಂದು ಕರಗಳ ಮುಗಿದು ಜಯಜಯವೆಂದು ವಂದನೆ ಮಾಡಲು | ಮಂದಹಾಸದಿ ಅಭಯಪಾಲಿಪಾನಂದ ಮೂರುತಿ ಪಾಹಿಮಾಂ || ೨ || ಉಂಡಲಿಗೆ ನೆನೆಗಡಲೆ ಚಗುಳಿಯು ಖಂಡಿಸಿದ ರಸದಾಳಿಯು | ಬಂಡಿತುಂಬಿದ ಭಕ್ಷ್ಯದಡಿಗೆಯು ತಂಡತಂಡದ ಹರಕೆಯು | ಖಂಡಿಸಕ್ಕರೆ ಪಾಲು ಘೃತಮಧು ಉಂಡು ಹರುಷದಿ ನಲಿಯುತ | ಸುಂಡಿಲೊಲವುತ ವರವಕೊಡುವ ಪ್ರಚಂಡ ಗಣಪತಿ ಪಾಹಿಮಾಂ ||೩|| ಮೃಡನ ಮೆಚ್ಚಿಸಿ ಪಡೆದು ಲಿಂಗವ ಬಿಡದೆ ರಾವಣನೊಯ್ಯಲು | ಒಡೆಯ ಕೇಶವ ನಿನ್ನ ಸ್ತುತಿಸಲು ಕಡಲತಡಿಯಲಿ ಆಡಿದೆ | ಬೆಡಗಿನಿಂದಲಿ ದಡಿಗ ರಾವಣ ಕೊಡಲು ಹಸ್ತದಿ ಲಿಂಗವ | ಪಿಡಿದು ಪೊಡವಿಯೊಳಿಡಿಸಿ ನಗುವ ಪ್ರಚಂಡ ಗಣಪತಿ ಪಾಹಿಮಾಂ || ೪ || ರಾಜಕಾರ್ಯವು ರಾಜನೀತಿಯು ರಾಜವಿದ್ಯೆಯ ಗೆಲಿಸಿದೆ | ರಾಜಸೋತ್ತಮ ತತ್ತ್ವರೂಪನೆ ಮೂಜಗವ ನೀ ಸಲಹಿದೆ | ತೇಜಿಯೆನಿಸುವ ಮೂಷಕನಮೇಲೋ ಜಗದಲೋಲಾಡಿದೆ | ಓಜೆಯಿಂದಲಿ ನಮ್ಮ ಸಲಹುವ ಬೀಜ ಗಣಪತಿ ಪಾಹಿಮಾಂ || ೫|| ಪಂಚಬಾಣನ ವೈರಿಯುದರದೊಳಿಂಚಿನಂದದೊಳುದಿಸಿದೆ | ಪಂಚಪಂಚೇಂದ್ರಿಯನು ಗೆಲುಪೊಡೆ ಸಂಚುವದನವ ತೋರಿದೆ | ಜಂಚಲಾಂಬಕಿ ಕರ್ಣ ಬಿಸುಗೆಯೊಳ್ಮಿಂಚುವನು ನೀ ತರಿಸಿದೆ | ಪಂಚಕಜ್ಞಾಯವನು ಮೆಲುವೊಡೆ ಚಿಂತೆ ಗಣಪತಿ ಪಾಹಿಮಾಂ ||೬|| ದುರಿತಗಿರಿಗಳಿಗ್ವಜ್ರನೆನಿಸಿದೆ ಪರಶುಪಾಶವ ಧರಿಸಿದೆ | ಮುರಿಯೆ ಸುಂಡಿಲು ಮೋದಕಂಗಳು ಕರದೊಳುರಗನ ಸಲಹಿದೆ | ಹಿರಿಯಡೊಳ್ಳಲಿ ಜಗವ ಸಲಹಿದೆ ಹಿರಿದುನಾಗನ ಸುತ್ತಿದೆ | ಹರನವರಸುತ ಪರಮಮಂಗಳ ಚರಿತ ಗಣಪತಿ ಪಾಹಿಮಾಂ || ೭|| ಇಂದುಮೌಳಿಯ ಸುತನೆ ನಿನ್ನಯ ದ್ವಂದ್ವಚರಣವ ಸ್ತುತಿಸಲು | ಛಂದ ಪ್ರಾಣ ಪ್ರಾಸವರಿಯದ ಮಂದಮತಿ ಈ ಬಾಲನು | ಬಂದದುರಿತವ ಪರಿಹರಿಸಿ ಅನಂದ ಪದವಿಯ ಪಾಲಿಸೊ | ಬಂದು ಇಡಗುಂದಿಯಲಿ ನೆಲಸಿದ ತಂದೆ ಗಣಪತಿ ಪಾಹಿಮಾಂ || ೮ ||