padmāvatī stotraṃ
viṣṇupatni jaganmātaḥ viṣṇuvakṣasthalasthite |
padmāsane padmahaste padmāvati namo’stu te || 1 ||
veṃkaṭeśapriye pūjye kṣīrābditanaye śubhe |
padmerame lokamātaḥ padmāvati namo’stu te || 2 ||
kaḻyāṇī kamale kāṃte kaḻyāṇapuranāyike |
kāruṇyakalpalatike padmāvati namo’stu te || 3 ||
sahasradaḻapadmasthe koṭicaṃdranibhānane |
padmapatraviśālākṣī padmāvati namo’stu te || 4 ||
sarvajñe sarvavarade sarvamaṃgaḻadāyinī |
sarvasammānite devī padmāvati namo’stu te || 5 ||
sarvahṛddaharāvāse sarvapāpabhayāpahe |
aṣṭaiśvaryaprade lakṣmī padmāvati namo’stu te || 6 ||
dehi me mokṣasāmrājyaṃ dehi tvatpādadarśanam |
aṣṭaiśvaryaṃ ca me dehi padmāvati namo’stu te || 7 ||
nakraśravaṇanakṣatre kṛtodvāhamahotsave |
kṛpayā pāhi naḥ padme tvadbhaktibharitān rame || 8 ||
iṃdire hemavarṇābhe tvāṃ vaṃde paramātmikām |
bhavasāgaramagnaṃ māṃ rakṣa rakṣa maheśvarī || 9 ||
kaḻyāṇapuravāsinyai nārāyaṇyai śriyai namaḥ |
śṛtistutipragītāyai devadevyai ca maṃgaḻam || 10 ||
