nirvāṇa ṣaṭkaṃ
oṃ oṃ oṃ
śivo’haṃ śivo’haṃ, śivo’haṃ śivo’haṃ, śivo’haṃ śivo’haṃ
mano buddhyahaṃkāra cittāni nāhaṃ
na ca śrotra jihve na ca ghrāṇanetre |
na ca vyoma bhūmirna tejo na vāyuḥ
cidānaṃda rūpaḥ śivo’haṃ śivo’ham || 1 ||
śivo’haṃ śivo’haṃ, śivo’haṃ śivo’haṃ, śivo’haṃ śivo’haṃ
na ca prāṇa saṃjño na vaipaṃcavāyuḥ
na vā saptadhāturna vā paṃcakośāḥ |
navākpāṇi pādau na copastha pāyū
cidānaṃda rūpaḥ śivo’haṃ śivo’ham || 2 ||
śivo’haṃ śivo’haṃ, śivo’haṃ śivo’haṃ, śivo’haṃ śivo’haṃ
na me dveṣarāgau na me lobhamohau
mado naiva me naiva mātsaryabhāvaḥ |
na dharmo na cārtho na kāmo na mokṣaḥ
cidānaṃda rūpaḥ śivo’haṃ śivo’ham || 3 ||
śivo’haṃ śivo’haṃ, śivo’haṃ śivo’haṃ, śivo’haṃ śivo’haṃ
na puṇyaṃ na pāpaṃ na saukhyaṃ na duḥkhaṃ
na maṃtro na tīrthaṃ na vedā na yajñaḥ |
ahaṃ bhojanaṃ naiva bhojyaṃ na bhoktā
cidānaṃda rūpaḥ śivo’haṃ śivo’ham || 4 ||
śivo’haṃ śivo’haṃ, śivo’haṃ śivo’haṃ, śivo’haṃ śivo’haṃ
na mṛtyurna śaṃkā na me jāti bhedaḥ
pitā naiva me naiva mātā na janma |
na baṃdhurna mitraṃ gururnaiva śiṣyaḥ
cidānaṃdarūpaḥ śivo’haṃ śivo’ham || 5 ||
śivo’haṃ śivo’haṃ, śivo’haṃ śivo’haṃ, śivo’haṃ śivo’haṃ
ahaṃ nirvikalpo nirākāra rūpo
vibhutvācca sarvatra sarveṃdriyāṇām |
na cāsaṃgataṃ naiva muktirna meyaḥ [na vā baṃdhanaṃ naiva muktirna baṃdhaḥ]
cidānaṃdarūpaḥ śivo’haṃ śivo’ham || 6 ||
śivo’haṃ śivo’haṃ, śivo’haṃ śivo’haṃ, śivo’haṃ śivo’haṃ
