Jagannatha Ashtakam
kadāchit-kālindī taṭavipina saṅgītakaravō
mudābhīrī nārīvadana kamalāsvādamadhupaḥ ।
ramā śambhu brahmāmarapati gaṇēśārchita padō
jagannāthaḥ svāmī nayanapathagāmī bhavatu mē ॥ 1 ॥
bhujē savyē vēṇuṃ śirasi śikhipiñChaṃ kaṭitaṭē
dukūlaṃ nētrāntē sahacharakaṭākṣaṃ vidadhatē ।
sadā śrīmadvṛndāvanavasatilīlāparichayō
jagannāthaḥ svāmī nayanapathagāmī bhavatu mē ॥ 2 ॥
mahāmbhōdhēstīrē kanakaruchirē nīlaśikharē
vasan prāsādāntassahaja balabhadrēṇa balinā ।
subhadrā madhyasthassakalasura sēvāvasaradō
jagannāthaḥ svāmī nayanapathagāmī bhavatu mē ॥ 3 ॥
kṛpā pārāvārāssajala jalada śrēṇiruchirō
ramāvāṇī rāmasphuradamala paṅkēruhamukhaḥ ।
surēndrairārādhyaḥ śrutigaṇaśikhā gīta charitō
jagannāthaḥ svāmī nayanapathagāmī bhavatu mē ॥ 4 ॥
rathārūḍhō gachChan pathi milita bhūdēvapaṭalaiḥ
stuti prādurbhāvaṃ pratipadamupākarṇya sadayaḥ ।
dayāsindhurbandhussakala jagatā sindhusutayā
jagannāthaḥ svāmī nayanapathagāmī bhavatu mē ॥ 5 ॥
parabrahmāpīḍaḥ kuvalaya-dalōtphullanayanō
nivāsī nīlādrau nihita-charaṇō’nanta-śirasi ।
rasānandō rādhā-sarasa-vapurāliṅgana-sakhō
jagannāthaḥ svāmī nayanapathagāmī bhavatu mē ॥ 6 ॥
na vai yāchē rājyaṃ na cha kanaka māṇikya vibhavaṃ
na yāchē’haṃ ramyāṃ nikhilajana-kāmyāṃ varavadhūm ।
sadā kālē kālē pramatha-patinā gītacharitō
jagannāthaḥ svāmī nayanapathagāmī bhavatu mē ॥ 7 ॥
hara tvaṃ saṃsāraṃ drutataramasāraṃ surapatē
hara tvaṃ pāpānāṃ vitatimaparāṃ yādavapatē ।
ahō dīnō’nāthē nihitacharaṇō niśchitamidaṃ
jagannāthaḥ svāmī nayanapathagāmī bhavatu mē ॥ 8 ॥
jagannāthāṣṭakaṃ puṇyaṃ yaḥ paṭhēt prayataḥ śuchiḥ ।
sarvapāpa viśuddhātmā viṣṇulōkaṃ sa gachChati ॥
iti śrīmad śaṅkarāchāryavirachitaṃ jagannāthāṣṭakaṃ sampūrṇaṃ॥
