śrī dakṣiṇāmūrthi sahasranāma stotraṃ
asya śrīdakṣiṇāmūrti sahasranāmastotrasya brahmā ṛṣiḥ anuṣṭup chaṃdaḥ śrīdakṣiṇāmūrtirdevatā oṃ bījaṃ svāhā śaktiḥ namaḥ kīlakaṃ medhādakṣiṇāmūrti prasādasiddhyarthe jape viniyogaḥ ||
hrāmityādinā nyāsaḥ ||
dhyānaṃ
siddhitoyanidhermadhye ratnagraive manorame |
kadaṃbavanikāmadhye śrīmadvaṭataroradhaḥ || 1 ||
āsīnamādyaṃ puruṣamādimadhyāṃtavarjitam |
śuddhasphaṭikagokṣīraśaratpūrṇeṃduśekharam || 2 ||
dakṣiṇe cākṣamālāṃ ca vahniṃ vai vāmahastake |
jaṭāmaṃḍalasaṃlagnaśītāṃśukaramaṃḍitam || 3 ||
nāgahāradharaṃ cārukaṃkaṇaiḥ kaṭisūtrakaiḥ |
virājamānavṛṣabhaṃ vyāghracarmāṃbarāvṛtam || 4 ||
ciṃtāmaṇimahābṛṃdaiḥ kalpakaiḥ kāmadhenubhiḥ |
catuḥṣaṣṭikalāvidyāmūrtibhiḥ śrutimastakaiḥ || 5 ||
ratnasiṃhāsane sādhudvīpicarmasamāyute |
tatrāṣṭadaḻapadmasya karṇikāyāṃ suśobhane || 6 ||
vīrāsane samāsīnaṃ laṃbadakṣapadāṃbujam |
jñānamudrāṃ pustakaṃ ca varābhītidharaṃ haram || 7 ||
pādamūlasamākrāṃtamahāpasmāravaibhavam |
rudrākṣamālābharaṇabhūṣitaṃ bhūtibhāsuram || 8 ||
gajacarmottarīyaṃ ca maṃdasmitamukhāṃbujam |
siddhabṛṃdairyogibṛṃdairmunibṛṃdairniṣevitam || 9 ||
ārādhyamānavṛṣabhamagnīṃduravilocanam |
pūrayaṃtaṃ kṛpādṛṣṭyā pumarthānāśrite jane || 10 ||
evaṃ vibhāvayedīśaṃ sarvavidyākaḻānidhim || 11 ||
lamityādi paṃcopacārāḥ ||
stotraṃ
om | devadevo mahādevo devānāmapi deśikaḥ |
dakṣiṇāmūrtirīśāno dayāpūritadiṅmukhaḥ || 1 ||
kailāsaśikharottuṃgakamanīyanijākṛtiḥ |
vaṭadrumataṭīdivyakanakāsanasaṃsthitaḥ || 2 ||
kaṭītaṭapaṭībhūtakaricarmojjvalākṛtiḥ |
pāṭīrapāṃḍurākāraparipūrṇasudhādhipaḥ |3 ||
jaṭākoṭīraghaṭitasudhākarasudhāplutaḥ |
paśyallalāṭasubhagasuṃdarabhrūvilāsavān || 4 ||
kaṭākṣasaraṇīniryatkaruṇāpūrṇalocanaḥ |
karṇālolataṭidvarṇakuṃḍalojjvalagaṃḍabhūḥ || 5 ||
tilaprasūnasaṃkāśanāsikāpuṭabhāsuraḥ |
maṃdasmitasphuranmugdhamahanīyamukhāṃbujaḥ || 6 ||
kuṃdakuḍmalasaṃspardhidaṃtapaṃktivirājitaḥ |
siṃdūrāruṇasusnigdhakomalādharapallavaḥ || 7 ||
śaṃkhāṭopagaladdivyagaḻavaibhavamaṃjulaḥ |
karakaṃdalitajñānamudrārudrākṣamālikaḥ || 8 ||
anyahastatalanyastavīṇāpustollasadvapuḥ |
viśālaruciroraskavalimatpallavodaraḥ || 9 ||
bṛhatkaṭinitaṃbāḍhyaḥ pīvarorudvayānvitaḥ |
jaṃghāvijitatūṇīrastuṃgagulphayugojjvalaḥ || 10 ||
mṛdupāṭalapādābjaścaṃdrābhanakhadīdhitiḥ |
apasavyoruvinyastasavyapādasaroruhaḥ || 11 ||
ghorāpasmāranikṣiptadhīradakṣapadāṃbujaḥ |
sanakādimunidhyeyaḥ sarvābharaṇabhūṣitaḥ || 12 ||
divyacaṃdanaliptāṃgaścāruhāsapariṣkṛtaḥ |
karpūradhavaḻākāraḥ kaṃdarpaśatasuṃdaraḥ || 13 ||
kātyāyanīpremanidhiḥ karuṇārasavāridhiḥ |
kāmitārthapradaḥ śrīmatkamalāvallabhapriyaḥ || 14 ||
kaṭākṣitātmavijñānaḥ kaivalyānaṃdakaṃdalaḥ |
maṃdahāsasamāneṃduśchinnājñānatamastatiḥ || 15 ||
saṃsārānalasaṃtaptajanatāmṛtasāgaraḥ |
gaṃbhīrahṛdayāṃbhojanabhomaṇinibhākṛtiḥ || 16 ||
niśākarakarākāravaśīkṛtajagattrayaḥ |
tāpasārādhyapādābjastaruṇānaṃdavigrahaḥ || 17 ||
bhūtibhūṣitasarvāṃgo bhūtādhipatirīśvaraḥ |
vadaneṃdusmitajyotsnānilīnatripurākṛtiḥ || 18 ||
tāpatrayatamobhānuḥ pāpāraṇyadavānalaḥ |
saṃsārasāgaroddhartā haṃsāgryopāsyavigrahaḥ || 19 ||
lalāṭahutabhugdagdhamanobhavaśubhākṛtiḥ |
tucchīkṛtajagajjālastuṣārakaraśītalaḥ || 20 ||
astaṃgatasamasteccho nistulānaṃdamaṃtharaḥ |
dhīrodāttaguṇādhāra udāravaravaibhavaḥ || 21 ||
apārakaruṇāmūrtirajñānadhvāṃtabhāskaraḥ |
bhaktamānasahaṃsāgryo bhavāmayabhiṣaktamaḥ || 22 ||
yogīṃdrapūjyapādābjo yogapaṭṭollasatkaṭiḥ |
śuddhasphaṭikasaṃkāśo baddhapannagabhūṣaṇaḥ || 23 ||
nānāmunisamākīrṇo nāsāgranyastalocanaḥ |
vedamūrdhaikasaṃvedyo nādadhyānaparāyaṇaḥ || 24 ||
dharādhareṃdurānaṃdasaṃdoharasasāgaraḥ |
dvaitabṛṃdavimohāṃdhyaparākṛtadṛgadbhutaḥ || 25 ||
pratyagātmā paraṃjyotiḥ purāṇaḥ parameśvaraḥ |
prapaṃcopaśamaḥ prājñaḥ puṇyakīrtiḥ purātanaḥ || 26 ||
sarvādhiṣṭhānasanmātraḥ svātmabaṃdhaharo haraḥ |
sarvapremanijāhāsaḥ sarvānugrahakṛcchivaḥ || 27 ||
sarveṃdriyaguṇābhāsaḥ sarvabhūtaguṇāśrayaḥ |
saccidānaṃdapūrṇātmā sarvabhūtaguṇāśrayaḥ || 28 ||
sarvabhūtāṃtaraḥ sākṣī sarvajñaḥ sarvakāmadaḥ |
sanakādimahāyogisamārādhitapādukaḥ || 29 ||
ādidevo dayāsiṃdhuḥ śikṣitāsuravigrahaḥ |
yakṣakinnaragaṃdharvastūyamānātmavaibhavaḥ || 30 ||
brahmādidevavinuto yogamāyāniyojakaḥ |
śivayogī śivānaṃdaḥ śivabhaktasamuddharaḥ || 31 ||
vedāṃtasārasaṃdohaḥ sarvasattvāvalaṃbanaḥ |
vaṭamūlāśrayo vāgmī mānyo malayajapriyaḥ || 32 ||
suśīlo vāṃchitārthajñaḥ prasannavadanekṣaṇaḥ |
nṛttagītakalābhijñaḥ karmavitkarmamocakaḥ || 33 ||
karmasākṣī karmamayaḥ karmaṇāṃ ca phalapradaḥ |
jñānadātā sadācāraḥ sarvopadravamocakaḥ || 34 ||
anāthanātho bhagavānāśritāmarapādapaḥ |
varapradaḥ prakāśātmā sarvabhūtahite rataḥ || 35 ||
vyāghracarmāsanāsīna ādikartā maheśvaraḥ |
suvikramaḥ sarvagato viśiṣṭajanavatsalaḥ || 36 ||
ciṃtāśokapraśamano jagadānaṃdakārakaḥ |
raśmimān bhuvaneśaśca devāsurasupūjitaḥ || 37 ||
mṛtyuṃjayo vyomakeśaḥ ṣaṭtriṃśattattvasaṃgrahaḥ |
ajñātasaṃbhavo bhikṣuradvitīyo digaṃbaraḥ || 38 ||
samastadevatāmūrtiḥ somasūryāgnilocanaḥ |
sarvasāmrājyanipuṇo dharmamārgapravartakaḥ || 39 ||
viśvādhikaḥ paśupatiḥ paśupāśavimocakaḥ |
aṣṭamūrtirdīptamūrtirnāmoccāraṇamuktidaḥ || 40 ||
sahasrādityasaṃkāśaḥ sadāṣoḍaśavārṣikaḥ |
divyakelīsamāyukto divyamālyāṃbarāvṛtaḥ || 41 ||
anargharatnasaṃpūrṇo mallikākusumapriyaḥ |
taptacāmīkarākāro jitadāvānalākṛtiḥ || 42 ||
niraṃjano nirvikāro nijāvāso nirākṛtiḥ |
jagadgururjagatkartā jagadīśo jagatpatiḥ || 43 ||
kāmahaṃtā kāmamūrtiḥ kaḻyāṇavṛṣavāhanaḥ |
gaṃgādharo mahādevo dīnabaṃdhavimocakaḥ || 44 ||
dhūrjaṭiḥ khaṃḍaparaśuḥ sadguṇo girijāsakhaḥ |
avyayo bhūtaseneśaḥ pāpaghnaḥ puṇyadāyakaḥ || 45 ||
upadeṣṭā dṛḍhaprajño rudro rogavināśanaḥ |
nityānaṃdo nirādhāro haro devaśikhāmaṇiḥ || 46 ||
praṇatārtiharaḥ somaḥ sāṃdrānaṃdo mahāmatiḥ |
āścaryavaibhavo devaḥ saṃsārārṇavatārakaḥ || 47 ||
yajñeśo rājarājeśo bhasmarudrākṣalāṃchanaḥ |
anaṃtastārakaḥ sthāṇuḥ sarvavidyeśvaro hariḥ || 48 ||
viśvarūpo virūpākṣaḥ prabhuḥ paribṛḍho dṛḍhaḥ |
bhavyo jitāriṣaḍvargo mahodāro viṣāśanaḥ || 49 ||
sukīrtirādipuruṣo jarāmaraṇavarjitaḥ |
pramāṇabhūto durjñeyaḥ puṇyaḥ parapuraṃjayaḥ || 50 ||
guṇākaro guṇaśreṣṭhaḥ saccidānaṃdavigrahaḥ |
sukhadaḥ kāraṇaṃ kartā bhavabaṃdhavimocakaḥ || 51 ||
anirviṇṇo guṇagrāhī niṣkaḻaṃkaḥ kaḻaṃkahā |
puruṣaḥ śāśvato yogī vyaktāvyaktaḥ sanātanaḥ || 52 ||
carācarātmā sūkṣmātmā viśvakarmā tamopahṛt |
bhujaṃgabhūṣaṇo bhargastaruṇaḥ karuṇālayaḥ || 53 ||
aṇimādiguṇopeto lokavaśyavidhāyakaḥ |
yogapaṭṭadharo mukto muktānāṃ paramā gatiḥ || 54 ||
gururūpadharaḥ śrīmatparamānaṃdasāgaraḥ |
sahasrabāhuḥ sarveśaḥ sahasrāvayavānvitaḥ || 55 ||
sahasramūrdhā sarvātmā sahasrākṣaḥ sahasrapāt |
nirābhāsaḥ sūkṣmatanurhṛdi jñātaḥ parātparaḥ || 56 ||
sarvātmagaḥ sarvasākṣī niḥsaṃgo nirupadravaḥ |
niṣkaḻaḥ sakalādhyakṣaścinmayastamasaḥ paraḥ || 57 ||
jñānavairāgyasaṃpanno yogānaṃdamayaḥ śivaḥ |
śāśvataiśvaryasaṃpūrṇo mahāyogīśvareśvaraḥ || 58 ||
sahasraśaktisaṃyuktaḥ puṇyakāyo durāsadaḥ |
tārakabrahmasaṃpūrṇastapasvijanasaṃvṛtaḥ || 59 ||
vidhīṃdrāmarasaṃpūjyo jyotiṣāṃ jyotiruttamaḥ |
nirakṣaro nirālaṃbaḥ svātmārāmo vikartanaḥ || 60 ||
niravadyo nirātaṃko bhīmo bhīmaparākramaḥ |
vīrabhadraḥ purārātirjalaṃdharaśiroharaḥ || 61 ||
aṃdhakāsurasaṃhartā bhaganetrabhidadbhutaḥ |
viśvagrāso’dharmaśatrurbrahmajñānaikamaṃtharaḥ || 62 ||
agresarastīrthabhūtaḥ sitabhasmāvakuṃṭhanaḥ |
akuṃṭhamedhāḥ śrīkaṃṭho vaikuṃṭhaparamapriyaḥ || 63 ||
lalāṭojjvalanetrābjastuṣārakaraśekharaḥ |
gajāsuraśiraśchettā gaṃgodbhāsitamūrdhajaḥ || 64 ||
kaḻyāṇācalakodaṃḍaḥ kamalāpatisāyakaḥ |
vārāṃśevadhitūṇīraḥ sarojāsanasārathiḥ || 65 ||
trayīturaṃgasaṃkrāṃto vāsukijyāvirājitaḥ |
ravīṃducaraṇācāridharārathavirājitaḥ || 66 ||
trayyaṃtapragrahodāracārughaṃṭāravojjvalaḥ |
uttānaparvalomāḍhyo līlāvijitamanmathaḥ || 67 ||
jātuprapannajanatājīvanopāyanotsukaḥ |
saṃsārārṇavanirmagnasamuddharaṇapaṃḍitaḥ || 68 ||
madadviradadhikkārigatimaṃjulavaibhavaḥ |
mattakokilamādhuryarasanirbharagīrgaṇaḥ || 69 ||
kaivalyodadhikallolalīlātāṃḍavapaṃḍitaḥ |
viṣṇurjiṣṇurvāsudevaḥ prabhaviṣṇuḥ purātanaḥ || 70 ||
vardhiṣṇurvarado vaidyo harirnārāyaṇo’cyutaḥ |
ajñānavanadāvāgniḥ prajñāprāsādabhūpatiḥ || 71 ||
sarpabhūṣitasarvāṃgaḥ karpūrojjvalitākṛtiḥ |
anādimadhyanidhano girīśo girijāpatiḥ || 72 ||
vītarāgo vinītātmā tapasvī bhūtabhāvanaḥ |
devāsuragurudhyeyo devāsuranamaskṛtaḥ || 73 ||
devādidevo devarṣirdevāsuravarapradaḥ |
sarvadevamayo’ciṃtyo devātmā cātmasaṃbhavaḥ || 74 ||
nirlepo niṣprapaṃcātmā nirvighno vighnanāśakaḥ |
ekajyotirnirātaṃko vyāptamūrtiranākulaḥ || 75 ||
niravadyapadopādhirvidyārāśiranuttamaḥ |
nityānaṃdaḥ surādhyakṣo niḥsaṃkalpo niraṃjanaḥ || 76 ||
niṣkaḻaṃko nirākāro niṣprapaṃco nirāmayaḥ |
vidyādharo viyatkeśo mārkaṃḍeyavarapradaḥ || 77 ||
bhairavo bhairavīnāthaḥ kāmadaḥ kamalāsanaḥ |
vedavedyaḥ surānaṃdo lasajjyotiḥ prabhākaraḥ || 78 ||
cūḍāmaṇiḥ surādhīśo yajñageyo haripriyaḥ |
nirlepo nītimān sūtrī śrīhālāhalasuṃdaraḥ || 79 ||
dharmadakṣo mahārājaḥ kirīṭī vaṃdito guhaḥ |
mādhavo yāminīnāthaḥ śaṃbaraḥ śabarīpriyaḥ || 80 ||
saṃgītavettā lokajñaḥ śāṃtaḥ kalaśasaṃbhavaḥ |
brahmaṇyo varado nityaḥ śūlī guruvaro haraḥ || 81 ||
mārtāṃḍaḥ puṃḍarīkākṣo lokanāyakavikramaḥ |
mukuṃdārcyo vaidyanāthaḥ puraṃdaravarapradaḥ || 82 ||
bhāṣāvihīno bhāṣājño vighneśo vighnanāśanaḥ |
kinnareśo bṛhadbhānuḥ śrīnivāsaḥ kapālabhṛt || 83 ||
vijayo bhūtabhāvajño bhīmaseno divākaraḥ |
bilvapriyo vasiṣṭheśaḥ sarvamārgapravartakaḥ || 84 ||
oṣadhīśo vāmadevo goviṃdo nīlalohitaḥ |
ṣaḍardhanayanaḥ śrīmanmahādevo vṛṣadhvajaḥ || 85 ||
karpūradīpikālolaḥ karpūrarasacarcitaḥ |
avyājakaruṇāmūrtistyāgarājaḥ kṣapākaraḥ || 86 ||
āścaryavigrahaḥ sūkṣmaḥ siddheśaḥ svarṇabhairavaḥ |
devarājaḥ kṛpāsiṃdhuradvayo’mitavikramaḥ || 87 ||
nirbhedo nityasatvastho niryogakṣema ātmavān |
nirapāyo nirāsaṃgo niḥśabdo nirupādhikaḥ || 88 ||
bhavaḥ sarveśvaraḥ svāmī bhavabhītivibhaṃjanaḥ |
dāridryatṛṇakūṭāgnirdāritāsurasaṃtatiḥ || 89 ||
muktido mudito’kubjo dhārmiko bhaktavatsalaḥ |
abhyāsātiśayajñeyaścaṃdramauḻiḥ kaḻādharaḥ || 90 ||
mahābalo mahāvīryo vibhuḥ śrīśaḥ śubhapradaḥ |
siddhaḥ purāṇapuruṣo raṇamaṃḍalabhairavaḥ || 91 ||
sadyojāto vaṭāraṇyavāsī puruṣavallabhaḥ |
harikeśo mahātrātā nīlagrīvaḥ sumaṃgaḻaḥ || 92 ||
hiraṇyabāhustīkṣṇāṃśuḥ kāmeśaḥ somavigrahaḥ |
sarvātmā sarvakartā ca tāṃḍavo muṃḍamālikaḥ || 93 ||
agragaṇyaḥ sugaṃbhīro deśiko vaidikottamaḥ |
prasannadevo vāgīśaściṃtātimirabhāskaraḥ || 94 ||
gaurīpatistuṃgamauḻirmakharājo mahākaviḥ |
śrīdharaḥ sarvasiddheśo viśvanātho dayānidhiḥ || 95 ||
aṃtarmukho bahirdṛṣṭiḥ siddhaveṣamanoharaḥ |
kṛttivāsāḥ kṛpāsiṃdhurmaṃtrasiddho matipradaḥ || 96 ||
mahotkṛṣṭaḥ puṇyakaro jagatsākṣī sadāśivaḥ |
mahākraturmahāyajvā viśvakarmā taponidhiḥ || 97 ||
chaṃdomayo mahājñānī sarvajño devavaṃditaḥ |
sārvabhaumaḥ sadānaṃdaḥ karuṇāmṛtavāridhiḥ || 98 ||
kālakālaḥ kalidhvaṃsī jarāmaraṇanāśakaḥ |
śitikaṃṭhaścidānaṃdo yoginīgaṇasevitaḥ || 99 ||
caṃḍīśaḥ śukasaṃvedyaḥ puṇyaśloko divaspatiḥ |
sthāyī sakalatattvātmā sadāsevakavardhanaḥ || 100 ||
rohitāśvaḥ kṣamārūpī taptacāmīkaraprabhaḥ |
triyaṃbako vararucirdevadevaścaturbhujaḥ || 101 ||
viśvaṃbharo vicitrāṃgo vidhātā puraśāsanaḥ |
subrahmaṇyo jagatsvāmī rohitākṣaḥ śivottamaḥ || 102 ||
nakṣatramālābharaṇo maghavān aghanāśanaḥ |
vidhikartā vidhānajñaḥ pradhānapuruṣeśvaraḥ || 103 ||
ciṃtāmaṇiḥ suragururdhyeyo nīrājanapriyaḥ |
goviṃdo rājarājeśo bahupuṣpārcanapriyaḥ || 104 ||
sarvānaṃdo dayārūpī śailajāsumanoharaḥ |
suvikramaḥ sarvagato hetusādhanavarjitaḥ || 105 ||
vṛṣāṃko ramaṇīyāṃgaḥ sadaṃghriḥ sāmapāragaḥ |
maṃtrātmā koṭikaṃdarpasauṃdaryarasavāridhiḥ || 106 ||
yajñeśo yajñapuruṣaḥ sṛṣṭisthityaṃtakāraṇam |
parahaṃsaikajijñāsyaḥ svaprakāśasvarūpavān || 107 ||
munimṛgyo devamṛgyo mṛgahasto mṛgeśvaraḥ |
mṛgeṃdracarmavasano narasiṃhanipātanaḥ || 108 ||
munivaṃdyo muniśreṣṭho munibṛṃdaniṣevitaḥ |
duṣṭamṛtyuraduṣṭeho mṛtyuhā mṛtyupūjitaḥ || 109 ||
avyakto’ṃbujajanmādikoṭikoṭisupūjitaḥ |
liṃgamūrtiraliṃgātmā liṃgātmā liṃgavigrahaḥ || 110 ||
yajurmūrtiḥ sāmamūrtirṛṅmūrtirmūrtivarjitaḥ |
viśveśo gajacarmaikacelāṃcitakaṭītaṭaḥ || 111 ||
pāvanāṃtevasadyogijanasārthasudhākaraḥ |
anaṃtasomasūryāgnimaṃḍalapratimaprabhaḥ || 112 ||
ciṃtāśokapraśamanaḥ sarvavidyāviśāradaḥ |
bhaktavijñaptisaṃdhātā kartā girivarākṛtiḥ || 113 ||
jñānaprado manovāsaḥ kṣemyo mohavināśanaḥ |
surottamaścitrabhānuḥ sadāvaibhavatatparaḥ || 114 ||
suhṛdagresaraḥ siddhajñānamudro gaṇādhipaḥ |
āgamaścarmavasano vāṃchitārthaphalapradaḥ || 115 ||
aṃtarhito’samānaśca devasiṃhāsanādhipaḥ |
vivādahaṃtā sarvātmā kālaḥ kālavivarjitaḥ || 116 ||
viśvātīto viśvakartā viśveśo viśvakāraṇam |
yogidhyeyo yoganiṣṭho yogātmā yogavittamaḥ || 117 ||
oṃkārarūpo bhagavān biṃdunādamayaḥ śivaḥ |
caturmukhādisaṃstutyaścaturvargaphalapradaḥ || 118 ||
sahyācalaguhāvāsī sākṣānmokṣarasāmṛtaḥ |
dakṣādhvarasamucchettā pakṣapātavivarjitaḥ || 119 ||
oṃkāravācakaḥ śaṃbhuḥ śaṃkaraḥ śaśiśītalaḥ |
paṃkajāsanasaṃsevyaḥ kiṃkarāmaravatsalaḥ || 120 ||
natadaurbhāgyatūlāgniḥ kṛtakautukamaṃgaḻaḥ |
trilokamohanaḥ śrīmattripuṃḍrāṃkitamastakaḥ || 121 ||
krauṃcārijanakaḥ śrīmadgaṇanāthasutānvitaḥ |
adbhutānaṃtavarado’paricchinātmavaibhavaḥ || 122 ||
iṣṭāpūrtapriyaḥ śarva ekavīraḥ priyaṃvadaḥ |
ūhāpohavinirmukta oṃkāreśvarapūjitaḥ || 123 ||
rudrākṣavakṣā rudrākṣarūpo rudrākṣapakṣakaḥ |
bhujageṃdralasatkaṃṭho bhujaṃgābharaṇapriyaḥ || 124 ||
kaḻyāṇarūpaḥ kaḻyāṇaḥ kaḻyāṇaguṇasaṃśrayaḥ |
suṃdarabhrūḥ sunayanaḥ sulalāṭaḥ sukaṃdharaḥ || 125 ||
vidvajjanāśrayo vidvajjanastavyaparākramaḥ |
vinītavatsalo nītisvarūpo nītisaṃśrayaḥ || 126 ||
atirāgī vītarāgī rāgaheturvirāgavit |
rāgahā rāgaśamano rāgado rāgirāgavit || 127 ||
manonmano manorūpo balapramathano balaḥ |
vidyākaro mahāvidyo vidyāvidyāviśāradaḥ || 128 ||
vasaṃtakṛdvasaṃtātmā vasaṃteśo vasaṃtadaḥ |
prāvṛṭkṛt prāvṛḍākāraḥ prāvṛṭkālapravartakaḥ || 129 ||
śarannātho śaratkālanāśakaḥ śaradāśrayaḥ |
kuṃdamaṃdārapuṣpaughalasadvāyuniṣevitaḥ || 130 ||
divyadehaprabhākūṭasaṃdīpitadigaṃtaraḥ |
devāsuragurustavyo devāsuranamaskṛtaḥ || 131 ||
vāmāṃgabhāgavilasacchyāmalāvīkṣaṇapriyaḥ |
kīrtyādhāraḥ kīrtikaraḥ kīrtiheturahetukaḥ || 132 ||
śaraṇāgatadīnārtaparitrāṇaparāyaṇaḥ |
mahāpretāsanāsīno jitasarvapitāmahaḥ || 133 ||
muktādāmaparītāṃgo nānāgānaviśāradaḥ |
viṣṇubrahmādivaṃdyāṃghrirnānādeśaikanāyakaḥ || 134 ||
dhīrodātto mahādhīro dhairyado dhairyavardhakaḥ |
vijñānamaya ānaṃdamayaḥ prāṇamayo’nnadaḥ || 135 ||
bhavābdhitaraṇopāyaḥ kavirduḥsvapnanāśanaḥ |
gaurīvilāsasadanaḥ piśacānucarāvṛtaḥ || 136 ||
dakṣiṇāpremasaṃtuṣṭo dāridryavaḍavānalaḥ |
adbhutānaṃtasaṃgrāmo ḍhakkāvādanatatparaḥ || 137 ||
prācyātmā dakṣiṇākāraḥ pratīcyātmottarākṛtiḥ |
ūrdhvādyanyadigākāro marmajñaḥ sarvaśikṣakaḥ || 138 ||
yugāvaho yugādhīśo yugātmā yuganāyakaḥ |
jaṃgamaḥ sthāvarākāraḥ kailāsaśikharapriyaḥ || 139 ||
hastarājatpuṃḍarīkaḥ puṃḍarīkanibhekṣaṇaḥ |
līlāviḍaṃbitavapurbhaktamānasamaṃḍitaḥ || 140 ||
bṛṃdārakapriyatamo bṛṃdārakavarārcitaḥ |
nānāvidhānekaratnalasatkuṃḍalamaṃḍitaḥ || 141 ||
niḥsīmamahimā nityalīlāvigraharūpadhṛt |
caṃdanadravadigdhāṃgaścāṃpeyakusumārcitaḥ || 142 ||
samastabhaktasukhadaḥ paramāṇurmahāhradaḥ |
alaukiko duṣpradharṣaḥ kapilaḥ kālakaṃdharaḥ || 143 ||
karpūragauraḥ kuśalaḥ satyasaṃdho jiteṃdriyaḥ |
śāśvataiśvaryavibhavaḥ poṣakaḥ susamāhitaḥ || 144 ||
maharṣināthito brahmayoniḥ sarvottamottamaḥ |
bhūmibhārārtisaṃhartā ṣaḍūrmirahito mṛḍaḥ || 145 ||
triviṣṭapeśvaraḥ sarvahṛdayāṃbujamadhyagaḥ |
sahasradaḻapadmasthaḥ sarvavarṇopaśobhitaḥ || 146 ||
puṇyamūrtiḥ puṇyalabhyaḥ puṇyaśravaṇakīrtanaḥ |
sūryamaṃḍalamadhyasthaścaṃdramaṃḍalamadhyagaḥ || 147 ||
sadbhaktadhyānanigalaḥ śaraṇāgatapālakaḥ |
śvetātapatraruciraḥ śvetacāmaravījitaḥ || 148 ||
sarvāvayavasaṃpūrṇaḥ sarvalakṣaṇalakṣitaḥ |
sarvamaṃgaḻamāṃgaḻyaḥ sarvakāraṇakāraṇaḥ || 149 ||
āmodo modajanakaḥ sarparājottarīyakaḥ |
kapālī kovidaḥ siddhakāṃtisaṃvalitānanaḥ || 150 ||
sarvasadgurusaṃsevyo divyacaṃdanacarcitaḥ |
vilāsinīkṛtollāsa icchāśaktiniṣevitaḥ || 151 ||
anaṃtānaṃdasukhado naṃdanaḥ śrīniketanaḥ |
amṛtābdhikṛtāvāso nityaklībo nirāmayaḥ || 152 ||
anapāyo’naṃtadṛṣṭiraprameyo’jaro’maraḥ |
tamomohapratihatirapratarkyo’mṛto’kṣaraḥ || 153 ||
amoghabuddhirādhāra ādhārādheyavarjitaḥ |
īṣaṇātrayanirmukta ihāmutravivarjitaḥ || 154 ||
ṛgyajuḥsāmanayano buddhisiddhisamṛddhidaḥ |
audāryanidhirāpūrṇa aihikāmuṣmikapradaḥ || 155 ||
śuddhasanmātrasaṃviddhīsvarūpasukhavigrahaḥ |
darśanaprathamābhāso dṛṣṭidṛśyavivarjitaḥ || 156 ||
agragaṇyo’ciṃtyarūpaḥ kalikalmaṣanāśanaḥ |
vimarśarūpo vimalo nityarūpo nirāśrayaḥ || 157 ||
nityaśuddho nityabuddho nityamukto’parākṛtaḥ |
maitryādivāsanālabhyo mahāpraḻayasaṃsthitaḥ || 158 ||
mahākailāsanilayaḥ prajñānaghanavigrahaḥ |
śrīmān vyāghrapurāvāso bhuktimuktipradāyakaḥ || 159 ||
jagadyonirjagatsākṣī jagadīśo jaganmayaḥ |
japo japaparo japyo vidyāsiṃhāsanaprabhuḥ || 160 ||
tattvānāṃ prakṛtistattvaṃ tattvaṃpadanirūpitaḥ |
dikkālādyanavacchinnaḥ sahajānaṃdasāgaraḥ || 161 ||
prakṛtiḥ prākṛtātīto vijñānaikarasākṛtiḥ |
niḥśaṃkamatidūrasthaścaityacetanaciṃtanaḥ || 162 ||
tārakānāṃ hṛdaṃtasthastārakastārakāṃtakaḥ |
dhyānaikaprakaṭo dhyeyo dhyānī dhyānavibhūṣaṇaḥ || 163 ||
paraṃ vyoma paraṃ dhāma paramātmā paraṃ padam |
pūrṇānaṃdaḥ sadānaṃdo nādamadhyapratiṣṭhitaḥ || 164 ||
pramāviparyayātītaḥ praṇatājñānanāśakaḥ |
bāṇārcitāṃghrirbahudo bālakeḻikutūhalī || 165 ||
brahmarūpī brahmapadaṃ brahmavidbrāhmaṇapriyaḥ |
bhūkṣepadattalakṣmīko bhrūmadhyadhyānalakṣitaḥ || 166 ||
yaśaskaro ratnagarbho mahārājyasukhapradaḥ |
śabdabrahma śamaprāpyo lābhakṛllokaviśrutaḥ || 167 ||
śāstā śivādrinilayaḥ śaraṇyo yājakapriyaḥ |
saṃsāravaidyaḥ sarvajñaḥ sabheṣajavibheṣajaḥ || 168 ||
manovacobhiragrāhyaḥ paṃcakośavilakṣaṇaḥ |
avasthātrayanirmuktastvavasthāsākṣituryakaḥ || 169 ||
paṃcabhūtādidūrasthaḥ pratyagekaraso’vyayaḥ |
ṣaṭcakrāṃtargatollāsī ṣaḍvikāravivarjitaḥ || 170 ||
vijñānaghanasaṃpūrṇo vīṇāvādanatatparaḥ |
nīhārākāragaurāṃgo mahālāvaṇyavāridhiḥ || 171 ||
parābhicāraśamanaḥ ṣaḍadhvoparisaṃsthitaḥ |
suṣumnāmārgasaṃcārī bisataṃtunibhākṛtiḥ || 172 ||
pinākī liṃgarūpaśrīḥ maṃgaḻāvayavojjvalaḥ |
kṣetrādhipaḥ susaṃvedyaḥ śrīprado vibhavapradaḥ || 173 ||
sarvavaśyakaraḥ sarvadoṣahā putrapautradaḥ |
tailadīpapriyastailapakvānnaprītamānasaḥ || 174 ||
tailābhiṣekasaṃtuṣṭastilabhakṣaṇatatparaḥ |
āpādakaṇikāmuktābhūṣāśatamanoharaḥ || 175 ||
śāṇollīḍhamaṇiśreṇīramyāṃghrinakhamaṃḍalaḥ |
maṇimaṃjīrakiraṇakiṃjalkitapadāṃbujaḥ || 176 ||
apasmāroparinyastasavyapādasaroruhaḥ |
kaṃdarpatūṇābhajaṃgho gulphodaṃcitanūpuraḥ || 177 ||
karihastopameyorurādarśojjvalajānubhṛt |
viśaṃkaṭakaṭinyastavācālamaṇimekhalaḥ || 178 ||
āvartanābhiromālivalimatpallavodaraḥ |
muktāhāralasattuṃgavipuloraskaraṃjitaḥ || 179 ||
vīrāsanasamāsīno vīṇāpustollasatkaraḥ |
akṣamālālasatpāṇiścinmudritakarāṃbujaḥ || 180 ||
māṇikyakaṃkaṇollāsikarāṃbujavirājitaḥ |
anargharatnagraiveyavilasatkaṃbukaṃdharaḥ || 181 ||
anākalitasādṛśyacibukaśrīvirājitaḥ |
mugdhasmitaparīpākaprakāśitaradāṃkuraḥ || 182 ||
cārucāṃpeyapuṣpābhanāsikāpuṭaraṃjitaḥ |
varavajraśilādarśaparibhāvikapolabhūḥ || 183 ||
karṇadvayollasaddivyamaṇikuṃḍalamaṃḍitaḥ |
karuṇālaharīpūrṇakarṇāṃtāyatalocanaḥ || 184 ||
ardhacaṃdrābhaniṭilapāṭīratilakojjvalaḥ |
cārucāmīkarākārajaṭācarcitacaṃdanaḥ |
kailāsaśikharasphardhikamanīyanijākṛtiḥ || 185 ||
iti śrī dakṣiṇāmūrti sahasranāma stotram ||
