aṣṭa lakṣmī stotraṃ
ādilakṣmī
sumanasa vaṃdita suṃdari mādhavi, caṃdra sahodari hemamaye
munigaṇa vaṃdita mokṣapradāyini, maṃjula bhāṣiṇi vedanute | [munigaṇa maṃḍita mokṣapradāyini, maṃjula bhāṣiṇi vedanute]
paṃkajavāsini deva supūjita, sadguṇa varṣiṇi śāṃtiyute
jaya jayahe madhusūdana kāmini, ādilakṣmi paripālaya māṃ [sadā pālaya māṃ] || 1 ||
dhānyalakṣmī
ayikali kalmaṣa nāśini kāmini, vaidika rūpiṇi vedamaye
kṣīra samudbhava maṃgaḻa rūpiṇi, maṃtranivāsini maṃtranute |
maṃgaḻadāyini aṃbujavāsini, devagaṇāśrita pādayute
jaya jayahe madhusūdana kāmini, dhānyalakṣmi sadā pālaya māṃ [paripālaya māṃ] || 2 ||
dhairyalakṣmī
jayavaravarṣiṇi vaiṣṇavi bhārgavi, maṃtra svarūpiṇi maṃtramaye [jayavaravarṇini]
suragaṇa pūjita śīghra phalaprada, jñāna vikāsini śāstranute |
bhavabhayahāriṇi pāpavimocani, sādhu janāśrita pādayute
jaya jayahe madhusūdana kāmini, dhairyalakṣmi paripālaya māṃ [sadā pālaya māṃ] || 3 ||
gajalakṣmī
jaya jaya durgati nāśini kāmini, sarvaphalaprada śāstramaye
rathagaja turagapadāti samāvṛta, parijana maṃḍita lokanute | [rathagaja turagapadādi samāvṛta]
harihara brahma supūjita sevita, tāpa nivāriṇi pādayute [tāpanivāraṇa pādayute]
jaya jayahe madhusūdana kāmini, gajalakṣmi rūpeṇa pālaya mām || 4 ||
saṃtānalakṣmī
ayikhaga vāhini mohini cakriṇi, rāgavivardhini jñānamaye
guṇagaṇavāridhi lokahitaiṣiṇi, svarasapta bhūṣita gānanute | [saptasvara bhūṣita gānanute]
sakala surāsura deva munīśvara, mānava vaṃdita pādayute
jaya jayahe madhusūdana kāmini, saṃtānalakṣmi tvaṃ pālaya māṃ [sadā pālaya māṃ] [paripālaya māṃ] || 5 ||
vijayalakṣmī
jaya kamalāsini sadgati dāyini, jñānavikāsini gānamaye
anudina-marcita kuṃkuma dhūsara, bhūṣita vāsita vādyanute |
kanakadharāstuti vaibhava vaṃdita, śaṃkaradeśika mānyapade
jaya jayahe madhusūdana kāmini, vijayalakṣmi sadā pālaya māṃ [paripālaya māṃ] || 6 ||
vidyālakṣmī
praṇata sureśvari bhārati bhārgavi, śokavināśini ratnamaye
maṇimaya bhūṣita karṇavibhūṣaṇa, śāṃti samāvṛta hāsyamukhe |
navanidhi dāyini kalimalahāriṇi, kāmita phalaprada hastayute
jaya jayahe madhusūdana kāmini, vidyālakṣmi sadā pālaya mām || 7 ||
dhanalakṣmī
dhimidhimi dhiṃdhimi dhiṃdhimi-diṃdhimi, duṃdhubhi nāda supūrṇamaye
ghumaghuma ghuṃghuma ghuṃghuma ghuṃghuma, śaṃkha nināda suvādyanute |
veda pūrāṇetihāsa supūjita, vaidika mārga pradarśayute
jaya jayahe madhusūdana kāmini, dhanalakṣmi rūpeṇa pālaya mām || 8 ||
phalaśṛti
ślo|| aṣṭalakṣmī namastubhyaṃ varade kāmarūpiṇi |
viṣṇuvakṣaḥ sthalā-rūḍhe bhakta mokṣa pradāyini ||
ślo|| śaṃkha cakragadāhaste viśvarūpiṇi te jayaḥ |
jaganmātre ca mohinyai maṃgaḻaṃ śubha maṃgaḻam ||
