sarvadeva kṛta śrī lakṣmī stotraṃ

kṣamasva bhagavatyaṃba kṣamā śīle parātpare|
śuddha satva svarūpeca kopādi pari varjite||

upame sarva sādhvīnāṃ devīnāṃ deva pūjite|
tvayā vinā jagatsarvaṃ mṛta tulyaṃca niṣphalaṃ|

sarva saṃpatsvarūpātvaṃ sarveṣāṃ sarva rūpiṇī|
rāseśvaryadhi devītvaṃ tvatkalāḥ sarvayoṣitaḥ||

kailāse pārvatī tvaṃca kṣīrodhe siṃdhu kanyakā|
svargeca svarga lakṣmī stvaṃ martya lakṣmīśca bhūtale||

vaikuṃṭheca mahālakṣmīḥ devadevī sarasvatī|
gaṃgāca tulasītvaṃca sāvitrī brahma lokataḥ||

kṛṣṇa prāṇādhi devītvaṃ goloke rādhikā svayaṃ|
rāse rāseśvarī tvaṃca bṛṃdā bṛṃdāvane vane||

kṛṣṇa priyā tvaṃ bhāṃḍīre caṃdrā caṃdana kānane|
virajā caṃpaka vane śata śṛṃgeca suṃdarī|

padmāvatī padma vane mālatī mālatī vane|
kuṃda daṃtī kuṃdavane suśīlā ketakī vane||

kadaṃba mālā tvaṃ devī kadaṃba kānane2pica|
rājalakṣmīḥ rāja gehe gṛhalakṣmī rgṛhe gṛhe||

ityuktvā devatāssarvāḥ munayo manavastathā|
rūrūdurna mravadanāḥ śuṣka kaṃṭhoṣṭha tālukāḥ||

iti lakṣmī stavaṃ puṇyaṃ sarvadevaiḥ kṛtaṃ śubhaṃ|
yaḥ paṭhetprātarutthāya savaisarvaṃ labheddhruvaṃ||

abhāryo labhate bhāryāṃ vinītāṃ susutāṃ satīṃ|
suśīlāṃ suṃdarīṃ ramyāmati supriyavādinīṃ||

putra pautra vatīṃ śuddhāṃ kulajāṃ komalāṃ varāṃ|
aputro labhate putraṃ vaiṣṇavaṃ cirajīvinaṃ||

paramaiśvarya yuktaṃca vidyāvaṃtaṃ yaśasvinaṃ|
bhraṣṭarājyo labhedrājyaṃ bhraṣṭa śrīrlabhete śriyaṃ||

hata baṃdhurlabhedbaṃdhuṃ dhana bhraṣṭo dhanaṃ labhet||
kīrti hīno labhetkīrtiṃ pratiṣṭhāṃca labheddhruvaṃ||

sarva maṃgaḻadaṃ stotraṃ śoka saṃtāpa nāśanaṃ|
harṣānaṃdakaraṃ śāśvaddharma mokṣa suhṛtpadaṃ||

|| iti sarva deva kṛta lakṣmī stotraṃ saṃpūrṇam ||