śrī śaṃkarācārya varyaṃ
|| śrīśaṃkarācāryastavaḥ ||
śrīśaṃkarācāryavaryaṃ sarvalokaikavaṃdyaṃ bhaje deśikeṃdraṃ
dharmapracāre’tidakṣaṃ yogigoviṃdapādāptasanyāsadīkṣam |
durvādigarvāpanodaṃ padmapādādiśiṣyālisaṃsevyapādam ||1||
(śrīśaṃkarācāryavaryaṃ)
śaṃkādridaṃbholilīlaṃ kiṃkarāśeṣaśiṣyāli saṃtrāṇaśīlam |
bālārkanīkāśacelaṃ bodhitāśeṣavedāṃta gūḍhārthajālam ||2||
(śrīśaṃkarācāryavaryaṃ)
rudrākṣamālāvibhūṣaṃ caṃdramaulīśvarārādhanāvāptatoṣam |
vidrāvitāśeṣadoṣaṃ bhadrapūgapradaṃ bhaktalokasya nityam ||3||
(śrīśaṃkarācāryavaryaṃ)
pāpāṭavīcitrabhānuṃ jñānadīpena hārdaṃ tamo vārayaṃtam |
dvaipāyanaprītibhājaṃ sarvatāpāpahāmoghabodhapradaṃ tam ||4||
(śrīśaṃkarācāryavaryaṃ)
rājādhirājābhipūjyaṃ ramyaśṛṃgādrivāsaikalolaṃ yatīḍyam |
rākeṃdusaṃkāśavaktraṃ ratnagarbhebhavaktrāṃghripūjānuraktam ||5||
(śrīśaṃkarācāryavaryaṃ)
śrībhāratītīrthagītaṃ śaṃkarāryastavaṃ yaḥ paṭhedbhaktiyuktaḥ |
so’vāpnuyātsarvamiṣṭaṃ śaṃkarācāryavaryaprasādena tūrṇam ||6||
(śrīśaṃkarācāryavaryaṃ)
