śiva paṃcākṣari stotraṃ

oṃ namaḥ śivāya śivāya namaḥ oṃ
oṃ namaḥ śivāya śivāya namaḥ oṃ

nāgeṃdrahārāya trilocanāya
bhasmāṃgarāgāya maheśvarāya |
nityāya śuddhāya digaṃbarāya
tasmai “na” kārāya namaḥ śivāya || 1 ||

maṃdākinī salila caṃdana carcitāya
naṃdīśvara pramathanātha maheśvarāya |
maṃdāra mukhya bahupuṣpa supūjitāya
tasmai “ma” kārāya namaḥ śivāya || 2 ||

śivāya gaurī vadanābja bṛṃda
sūryāya dakṣādhvara nāśakāya |
śrī nīlakaṃṭhāya vṛṣabhadhvajāya
tasmai “śi” kārāya namaḥ śivāya || 3 ||

vasiṣṭha kuṃbhodbhava gautamārya
munīṃdra devārcita śekharāya |
caṃdrārka vaiśvānara locanāya
tasmai “va” kārāya namaḥ śivāya || 4 ||

yajña-svarūpāya jaṭādharāya [yakṣa-]
pināka hastāya sanātanāya |
divyāya devāya digaṃbarāya
tasmai “ya” kārāya namaḥ śivāya || 5 ||

paṃcākṣaramidaṃ puṇyaṃ yaḥ paṭhecchiva sannidhau |
śivalokamavāpnoti śivena saha modate ||