dāridrya dahana gaṇapati stotraṃ
suvarṇa varṇa suṃdaraṃ sitaika daṃta-baṃdhuraṃ
gṛhīta pāśa-maṃkuśaṃ varapradā-‘bhayapradham |
caturbhujaṃ trilocanaṃ bhujaṃga-mopavītinaṃ
praphulla vārijāsanaṃ bhajāmi siṃdhurānanam ||
kirīṭa hāra kuṃḍalaṃ pradīpta bāhu bhūṣaṇaṃ
pracaṃḍa ratna kaṃkaṇaṃ praśobhitāṃghri-yaṣṭikam |
prabhāta sūrya suṃdarāṃbara-dvaya pradhāriṇaṃ
saratna hemanūpura praśobhitāṃghri-paṃkajam ||
suvarṇa daṃḍa maṃḍita pracaṃḍa cāru cāmaraṃ
gṛha pratīrṇa suṃdaraṃ yugakṣaṇa pramoditam |
kavīṃdra cittaraṃjakaṃ mahā vipatti bhaṃjakaṃ
ṣaḍakṣara svarūpiṇaṃ bhajedgajeṃdra rūpiṇam ||
viriṃci viṣṇu vaṃditaṃ virupalocana stutiṃ
girīśa darśanecchayā samārpitaṃ parāśāyā |
niraṃtaraṃ surāsuraiḥ suputra vāmalocanaiḥ
mahāmakheṣṭa-miṣṭa-karmanu bhajāmi tuṃdilam ||
madaugha lubdha caṃcalārka maṃju guṃjitā ravaṃ
prabuddha cittaraṃjakaṃ pramoda karṇacālakam |
ananya bhakti mānanaṃ pracaṃḍa mukti dāyakaṃ
namāmi nitya-mādareṇa vakratuṃḍa nāyakam ||
dāridrya vidrāvaṇa māśu kāmadaṃ
stotraṃ paṭhèdeta-dajasra-mādarāt |
putrī kaḻatra svajaneṣu maitrī
pumān-bhave-dekadaṃta varaprāsādāt ||
iti śrīmacchaṃkarācārya viracitaṃ dāridrya dahana gaṇapati stotraṃ saṃpūrṇam ||
