nārāyaṇa stotraṃ
nārāyaṇa nārāyaṇa jaya goviṃda hare ||
nārāyaṇa nārāyaṇa jaya gopāla hare ||
karuṇāpārāvāra varuṇālayagaṃbhīra nārāyaṇa || 1 ||
ghananīradasaṃkāśa kṛtakalikalmaṣanāśana nārāyaṇa || 2 ||
nārāyaṇa nārāyaṇa jaya goviṃda hare…
yamunātīravihāra dhṛtakaustubhamaṇihāra nārāyaṇa || 3 ||
pītāṃbaraparidhāna surakaḻyāṇanidhāna nārāyaṇa || 4 ||
nārāyaṇa nārāyaṇa jaya goviṃda hare…
maṃjulaguṃjābhūṣa māyāmānuṣaveṣa nārāyaṇa || 5 ||
rādhādharamadhurasika rajanīkarakulatilaka nārāyaṇa || 6 ||
nārāyaṇa nārāyaṇa jaya goviṃda hare…
muraḻīgānavinoda vedastutabhūpāda nārāyaṇa || 7 ||
vārijabhūṣābharaṇa rājīvarukmiṇīramaṇa nārāyaṇa || 8 ||
[barhinibarhāpīḍa naṭanāṭakaphaṇikrīḍa nārāyaṇa]
nārāyaṇa nārāyaṇa jaya goviṃda hare…
jalaruhadaḻanibhanetra jagadāraṃbhakasūtra nārāyaṇa || 9||
pātakarajanīsaṃhāra karuṇālaya māmuddhara nārāyaṇa || 10 ||
nārāyaṇa nārāyaṇa jaya goviṃda hare…
agha bakahayakaṃsāre keśava kṛṣṇa murāre nārāyaṇa || 11 ||
hāṭakanibhapītāṃbara abhayaṃ kuru me māvara nārāyaṇa || 12 ||
nārāyaṇa nārāyaṇa jaya goviṃda hare…
daśaratharājakumāra dānavamadasaṃhāra nārāyaṇa || 14 ||
govardhanagiri ramaṇa gopīmānasaharaṇa nārāyaṇa || 15 ||
nārāyaṇa nārāyaṇa jaya goviṃda hare…
sarayutīravihāra sajjanaṛṣimaṃdāra nārāyaṇa || 16 ||
viśvāmitramakhatra vividhavarānucaritra nārāyaṇa || 17 ||
nārāyaṇa nārāyaṇa jaya goviṃda hare…
dhvajavajrāṃkuśapāda dharaṇīsutasahamoda nārāyaṇa || 18 ||
janakasutāpratipāla jaya jaya saṃsmṛtilīla nārāyaṇa || 19 ||
nārāyaṇa nārāyaṇa jaya goviṃda hare…
daśarathavāgdhṛtibhāra daṃḍaka vanasaṃcāra nārāyaṇa || 20 ||
muṣṭikacāṇūrasaṃhāra munimānasavihāra nārāyaṇa || 21 ||
nārāyaṇa nārāyaṇa jaya goviṃda hare…
vālivinigrahaśaurya varasugrīvahitārya nārāyaṇa || 22 ||
māṃ muraḻīkara dhīvara pālaya pālaya śrīdhara nārāyaṇa || 23 ||
nārāyaṇa nārāyaṇa jaya goviṃda hare…
jalanidhi baṃdhana dhīra rāvaṇakaṃṭhavidāra nārāyaṇa || 24 ||
tāṭakamardana rāma naṭaguṇavividha surāma nārāyaṇa || 25 ||
nārāyaṇa nārāyaṇa jaya goviṃda hare…
gautamapatnīpūjana karuṇāghanāvalokana nārāyaṇa || 26 ||
saṃbhramasītāhāra sāketapuravihāra nārāyaṇa || 27 ||
nārāyaṇa nārāyaṇa jaya goviṃda hare…
acaloddhṛtacaṃcatkara bhaktānugrahatatpara nārāyaṇa || 28 ||
naigamagānavinoda rakṣita suprahlāda nārāyaṇa || 29 ||
[bhārata yatavaraśaṃkara nāmāmṛtamakhilāṃtara nārāyaṇa]
nārāyaṇa nārāyaṇa jaya goviṃda hare nārāyaṇa ||
nārāyaṇa nārāyaṇa jaya gopāla hare nārāyaṇa nārāyaṇa nārāyaṇa ||
iti śrimacchaṃkarācārya viracitaṃ nārāyaṇa stotraṃ saṃpūrṇam ||
