śrī subrahmaṇya sahasra nāma stotraṃ
ṛṣaya ūcuḥ |
sarvaśāstrārthatattvajña sarvalokopakāraka |
vayaṃ cātithayaḥ prāptā ātitheyo’si suvrata || 1 ||
jñānadānena saṃsārasāgarāttārayasva naḥ |
kalau kaluṣacittā ye narāḥ pāparatāḥ sadā || 2 ||
kena stotreṇa mucyaṃte sarvapātakabaṃdhanāt |
iṣṭasiddhikaraṃ puṇyaṃ duḥkhadāridryanāśanam || 3 ||
sarvarogaharaṃ stotraṃ sūta no vaktumarhasi |
śrīsūta uvāca |
śṛṇudhvaṃ ṛṣayaḥ sarve naimiśāraṇyavāsinaḥ || 4 ||
tattvajñānataponiṣṭhāḥ sarvaśāstraviśāradāḥ |
svayaṃbhuvā purā proktaṃ nāradāya mahātmane || 5 ||
tadahaṃ saṃpravakṣyāmi śrotuṃ kautūhalaṃ yadi |
ṛṣaya ūcuḥ |
kimāha bhagavānbrahmā nāradāya mahātmane || 6 ||
sūtaputra mahābhāga vaktumarhasi sāṃpratam |
śrīsūta uvāca |
divyasiṃhāsanāsīnaṃ sarvadevairabhiṣṭutam || 7 ||
sāṣṭāṃgaṃ praṇipatyainaṃ brahmāṇaṃ bhuvaneśvaram |
nāradaḥ paripapraccha kṛtāṃjalirupasthitaḥ || 8 ||
nārada uvāca |
lokanātha suraśreṣṭha sarvajña karuṇākara |
ṣaṇmukhasya paraṃ stotraṃ pāvanaṃ pāpanāśanam || 9 ||
he dhātaḥ putravātsalyāttadvada praṇatāya me |
upadiśya tu māmevaṃ rakṣa rakṣa kṛpānidhe || 10 ||
brahmovāca |
śṛṇu vakṣyāmi devarṣe stavarājamidaṃ param |
mātṛkāmālikāyuktaṃ jñānamokṣasukhapradam || 11 ||
sahasrāṇi ca nāmāni ṣaṇmukhasya mahātmanaḥ |
yāni nāmāni divyāni duḥkharogaharāṇi ca || 12 ||
tāni nāmāni vakṣyāmi kṛpayā tvayi nārada |
japamātreṇa siddhyaṃti manasā ciṃtitānyapi || 13 ||
ihāmutra paraṃ bhogaṃ labhate nātra saṃśayaḥ |
idaṃ stotraṃ paraṃ puṇyaṃ koṭiyajñaphalapradam |
saṃdeho nātra kartavyaḥ śṛṇu me niścitaṃ vacaḥ || 14 ||
oṃ asya śrīsubrahmaṇyasahasranāmastotra mahāmaṃtrasya brahmā ṛṣiḥ anuṣṭupchaṃdaḥ subrahmaṇyo devatā śarajanmākṣaya iti bījaṃ śaktidharo’kṣaya kārtikeya iti śaktiḥ krauṃcadhara iti kīlakaṃ śikhivāhana iti kavacaṃ ṣaṇmukhāya iti dhyānaṃ śrīsubrahmaṇya prasādasiddhyarthe jape viniyogaḥ |
karanyāsaḥ –
oṃ śaṃ oṃkārasvarūpāya ojodharāya ojasvine suhṛdayāya hṛṣṭacittātmane bhāsvararūpāya aṃguṣṭhābhyāṃ namaḥ |
oṃ raṃ ṣaṭkoṇamadhyanilayāya ṣaṭkirīṭadharāya śrīmate ṣaḍādhārāya tarjanībhyāṃ namaḥ |
oṃ vaṃ ṣaṇmukhāya śarajanmane śubhalakṣaṇāya śikhivāhanāya madhyamābhyāṃ namaḥ |
oṃ ṇaṃ kṛśānusaṃbhavāya kavacine kukkuṭadhvajāya anāmikābhyāṃ namaḥ |
oṃ bhaṃ kaṃdarpakoṭidīpyamānāya dviṣaḍbāhave dvādaśākṣāya kaniṣṭhikābhyāṃ namaḥ |
oṃ vaṃ kheṭadharāya khaḍgine śaktihastāya karatalakarapṛṣṭhābhyāṃ namaḥ |
hṛdayādinyāsaḥ –
oṃ śaṃ oṃkārasvarūpāya ojodharāya ojasvine suhṛdayāya hṛṣṭacittātmane bhāsvararūpāya hṛdayāya namaḥ |
oṃ raṃ ṣaṭkoṇamadhyanilayāya ṣaṭkirīṭadharāya śrīmate ṣaḍādhārāya śirase svāhā |
oṃ vaṃ ṣaṇmukhāya śarajanmane śubhalakṣaṇāya śikhivāhanāya śikhāyai vaṣaṭ |
oṃ ṇaṃ kṛśānusaṃbhavāya kavacine kukkuṭadhvajāya kavacāya hum |
oṃ bhaṃ kaṃdarpakoṭidīpyamānāya dviṣaḍbāhave dvādaśākṣāya netratrayāya vauṣaṭ |
oṃ vaṃ kheṭadharāya khaḍgine śaktihastāya astrāya phaṭ |
bhūrbhuvassuvaromiti digbaṃdhaḥ |
dhyānam |
dhyāyetṣaṇmukhamiṃdukoṭisadṛśaṃ ratnaprabhāśobhitaṃ
bālārkadyutiṣaṭkirīṭavilasatkeyūrahārānvitam |
karṇālaṃbitakuṃḍalapravilasadgaṃḍasthalāśobhitaṃ
kāṃcīkaṃkaṇakiṃkiṇīravayutaṃ śṛṃgārasārodayam || 1 ||
dhyāyedīpsitasiddhidaṃ śivasutaṃ śrīdvādaśākṣaṃ guhaṃ
kheṭaṃ kukkuṭamaṃkuśaṃ ca varadaṃ pāśaṃ dhanuścakrakam |
vajraṃ śaktimasiṃ ca śūlamabhayaṃ dorbhirdhṛtaṃ ṣaṇmukhaṃ
devaṃ citramayūravāhanagataṃ citrāṃbarālaṃkṛtam || 2 ||
stotram |
aciṃtyaśaktiranaghastvakṣobhyastvaparājitaḥ |
anāthavatsalo’moghastvaśoko’pyajaro’bhayaḥ || 1 ||
atyudāro hyaghaharastvagragaṇyo’drijāsutaḥ |
anaṃtamahimā’pāro’naṃtasaukhyaprado’vyayaḥ || 2 ||
anaṃtamokṣado’nādiraprameyo’kṣaro’cyutaḥ |
akalmaṣo’bhirāmo’gradhuryaścāmitavikramaḥ || 3 ||
[ atulaścāmṛto’ghoro hyanaṃto’naṃtavikramaḥ ]
anāthanātho hyamalo hyapramatto’maraprabhuḥ |
ariṃdamo’khilādhārastvaṇimādiguṇo’graṇīḥ || 4 ||
acaṃcalo’marastutyo hyakalaṃko’mitāśanaḥ |
agnibhūranavadyāṃgo hyadbhuto’bhīṣṭadāyakaḥ || 5 ||
atīṃdriyo’prameyātmā hyadṛśyo’vyaktalakṣaṇaḥ |
āpadvināśakastvārya āḍhya āgamasaṃstutaḥ || 6 ||
ārtasaṃrakṣaṇastvādya ānaṃdastvāryasevitaḥ |
āśriteṣṭārthavarada ānaṃdyārtaphalapradaḥ || 7 ||
āścaryarūpa ānaṃda āpannārtivināśanaḥ |
ibhavaktrānujastviṣṭa ibhāsuraharātmajaḥ || 8 ||
itihāsaśrutistutya iṃdrabhogaphalapradaḥ |
iṣṭāpūrtaphalaprāptiriṣṭeṣṭavaradāyakaḥ || 9 ||
ihāmutreṣṭaphalada iṣṭadastviṃdravaṃditaḥ |
īḍanīyastvīśaputra īpsitārthapradāyakaḥ || 10 ||
ītibhītiharaśceḍya īṣaṇātrayavarjitaḥ |
udārakīrtirudyogī cotkṛṣṭoruparākramaḥ || 11 ||
utkṛṣṭaśaktirutsāha udāraścotsavapriyaḥ |
ujjṛṃbha udbhavaścogra udagraścogralocanaḥ || 12 ||
unmatta ugraśamana udvegaghnorageśvaraḥ |
uruprabhāvaścodīrṇa umāputra udāradhīḥ || 13 ||
ūrdhvaretaḥsutastūrdhvagatidastūrjapālakaḥ |
ūrjitastūrdhvagastūrdhva ūrdhvalokaikanāyakaḥ || 14 ||
ūrjāvānūrjitodāra ūrjitorjitaśāsanaḥ |
ṛṣidevagaṇastutya ṛṇatrayavimocanaḥ || 15 ||
ṛjurūpo hyṛjukara ṛjumārgapradarśanaḥ |
ṛtaṃbharo hyṛjuprīta ṛṣabhastvṛddhidastvṛtaḥ || 16 ||
lulitoddhārako lūtabhavapāśaprabhaṃjanaḥ |
eṇāṃkadharasatputra eka enovināśanaḥ || 17 ||
aiśvaryadaścaiṃdrabhogī caitihyaścaiṃdravaṃditaḥ |
ojasvī cauṣadhisthānamojodaścaudanapradaḥ || 18 ||
audāryaśīla aumeya augra aunnatyadāyakaḥ |
audārya auṣadhakara auṣadhaṃ cauṣadhākaraḥ || 19 ||
aṃśumānaṃśumālīḍya aṃbikātanayo’nnadaḥ |
aṃdhakārisuto’ṃdhatvahārī cāṃbujalocanaḥ || 20 ||
astamāyo’marādhīśo hyaspaṣṭo’stokapuṇyadaḥ |
astāmitro’starūpaścāskhalatsugatidāyakaḥ || 21 ||
kārtikeyaḥ kāmarūpaḥ kumāraḥ krauṃcadāraṇaḥ |
kāmadaḥ kāraṇaṃ kāmyaḥ kamanīyaḥ kṛpākaraḥ || 22 ||
kāṃcanābhaḥ kāṃtiyuktaḥ kāmī kāmapradaḥ kaviḥ |
kīrtikṛtkukkuṭadharaḥ kūṭasthaḥ kuvalekṣaṇaḥ || 23 ||
kuṃkumāṃgaḥ klamaharaḥ kuśalaḥ kukkuṭadhvajaḥ |
kuśānusaṃbhavaḥ krūraḥ krūraghnaḥ kalitāpahṛt || 24 ||
kāmarūpaḥ kalpataruḥ kāṃtaḥ kāmitadāyakaḥ |
kalyāṇakṛtkleśanāśaḥ kṛpāḻuḥ karuṇākaraḥ || 25 ||
kaluṣaghnaḥ kriyāśaktiḥ kaṭhoraḥ kavacī kṛtī |
komalāṃgaḥ kuśaprītaḥ kutsitaghnaḥ kalādharaḥ || 26 ||
khyātaḥ kheṭadharaḥ khaḍgī khaṭvāṃgī khalanigrahaḥ |
khyātipradaḥ khecareśaḥ khyātehaḥ khecarastutaḥ || 27 ||
kharatāpaharaḥ svasthaḥ khecaraḥ khecarāśrayaḥ |
khaṃḍeṃdumaulitanayaḥ khelaḥ khecarapālakaḥ || 28 ||
khasthalaḥ khaṃḍitārkaśca khecarījanapūjitaḥ |
gāṃgeyo girijāputro gaṇanāthānujo guhaḥ || 29 ||
goptā gīrvāṇasaṃsevyo guṇātīto guhāśrayaḥ |
gatiprado guṇanidhiḥ gaṃbhīro girijātmajaḥ || 30 ||
gūḍharūpo gadaharo guṇādhīśo guṇāgraṇīḥ |
godharo gahano gupto garvaghno guṇavardhanaḥ || 31 ||
guhyo guṇajño gītijño gatātaṃko guṇāśrayaḥ |
gadyapadyapriyo guṇyo gostuto gaganecaraḥ || 32 ||
gaṇanīyacaritraśca gatakleśo guṇārṇavaḥ |
ghūrṇitākṣo ghṛṇinidhiḥ ghanagaṃbhīraghoṣaṇaḥ || 33 ||
ghaṃṭānādapriyo ghoṣo ghorāghaughavināśanaḥ |
ghanānaṃdo gharmahaṃtā ghṛṇāvān ghṛṣṭipātakaḥ || 34 ||
ghṛṇī ghṛṇākaro ghoro ghoradaityaprahārakaḥ |
ghaṭitaiśvaryasaṃdoho ghanārtho ghanasaṃkramaḥ || 35 ||
citrakṛccitravarṇaśca caṃcalaścapaladyutiḥ |
cinmayaścitsvarūpaśca cirānaṃdaściraṃtanaḥ || 36 ||
citrakeliścitrataraściṃtanīyaścamatkṛtiḥ |
coraghnaścaturaścāruścāmīkaravibhūṣaṇaḥ || 37 ||
caṃdrārkakoṭisadṛśaścaṃdramaulitanūbhavaḥ |
chāditāṃgaśchadmahaṃtā cheditākhilapātakaḥ || 38 ||
chedīkṛtatamaḥkleśaśchatrīkṛtamahāyaśāḥ |
chāditāśeṣasaṃtāpaśchuritāmṛtasāgaraḥ || 39 ||
channatraiguṇyarūpaśca chātehaśchinnasaṃśayaḥ |
chaṃdomayaśchaṃdagāmī chinnapāśaśchaviśchadaḥ || 40 ||
jagaddhito jagatpūjyo jagajjyeṣṭho jaganmayaḥ |
janako jāhnavīsūnurjitāmitro jagadguruḥ || 41 ||
jayī jiteṃdriyo jaitro jarāmaraṇavarjitaḥ |
jyotirmayo jagannātho jagajjīvo janāśrayaḥ || 42 ||
jagatsevyo jagatkartā jagatsākṣī jagatpriyaḥ |
jaṃbhārivaṃdyo jayado jagajjanamanoharaḥ || 43 ||
jagadānaṃdajanako janajāḍyāpahārakaḥ |
japākusumasaṃkāśo janalocanaśobhanaḥ || 44 ||
janeśvaro jitakrodho janajanmanibarhaṇaḥ |
jayado jaṃtutāpaghno jitadaityamahāvrajaḥ || 45 ||
jitamāyo jitakrodho jitasaṃgo janapriyaḥ |
jhaṃjhānilamahāvego jharitāśeṣapātakaḥ || 46 ||
jharjharīkṛtadaityaugho jhallarīvādyasaṃpriyaḥ |
jñānamūrtirjñānagamyo jñānī jñānamahānidhiḥ || 47 ||
ṭaṃkāranṛttavibhavaḥ ṭaṃkavajradhvajāṃkitaḥ |
ṭaṃkitākhilalokaśca ṭaṃkitainastamoraviḥ || 48 ||
ḍaṃbaraprabhavo ḍaṃbho ḍaṃbo ḍamarukapriyaḥ | [ḍamaḍḍa]
ḍamarotkaṭasannādo ḍiṃbharūpasvarūpakaḥ || 49 ||
ḍhakkānādaprītikaro ḍhālitāsurasaṃkulaḥ |
ḍhaukitāmarasaṃdoho ḍhuṃḍhivighneśvarānujaḥ || 50 ||
tattvajñastatvagastīvrastaporūpastapomayaḥ |
trayīmayastrikālajñastrimūrtistriguṇātmakaḥ || 51 ||
tridaśeśastārakāristāpaghnastāpasapriyaḥ |
tuṣṭidastuṣṭikṛttīkṣṇastaporūpastrikālavit || 52 ||
stotā stavyaḥ stavaprītaḥ stutiḥ stotraṃ stutipriyaḥ |
sthitaḥ sthāyī sthāpakaśca sthūlasūkṣmapradarśakaḥ || 53 ||
sthaviṣṭhaḥ sthaviraḥ sthūlaḥ sthānadaḥ sthairyadaḥ sthiraḥ |
dāṃto dayāparo dātā duritaghno durāsadaḥ || 54 ||
darśanīyo dayāsāro devadevo dayānidhiḥ |
durādharṣo durvigāhyo dakṣo darpaṇaśobhitaḥ || 55 ||
durdharo dānaśīlaśca dvādaśākṣo dviṣaḍbhujaḥ |
dviṣaṭkarṇo dviṣaḍbāhurdīnasaṃtāpanāśanaḥ || 56 ||
daṃdaśūkeśvaro devo divyo divyākṛtirdamaḥ |
dīrghavṛtto dīrghabāhurdīrghadṛṣṭirdivaspatiḥ || 57 ||
daṃḍo damayitā darpo devasiṃho dṛḍhavrataḥ |
durlabho durgamo dīpto duṣprekṣyo divyamaṃḍanaḥ || 58 ||
durodaraghno duḥkhaghno durārighno diśāṃ patiḥ |
durjayo devaseneśo durjñeyo duratikramaḥ || 59 ||
daṃbho dṛptaśca devarṣirdaivajño daivaciṃtakaḥ |
dhuraṃdharo dharmaparo dhanado dhṛtivardhanaḥ || 60 ||
dharmeśo dharmaśāstrajño dhanvī dharmaparāyaṇaḥ |
dhanādhyakṣo dhanapatirdhṛtimāṃdhūtakilbiṣaḥ || 61 ||
dharmaheturdharmaśūro dharmakṛddharmaviddhruvaḥ |
dhātā dhīmāṃdharmacārī dhanyo dhuryo dhṛtavrataḥ || 62 ||
nityotsavo nityatṛpto nirlepo niścalātmakaḥ |
niravadyo nirādhāro niṣkalaṃko niraṃjanaḥ || 63 ||
nirmamo nirahaṃkāro nirmoho nirupadravaḥ |
nityānaṃdo nirātaṃko niṣprapaṃco nirāmayaḥ || 64 ||
niravadyo nirīhaśca nirdarśo nirmalātmakaḥ |
nityānaṃdo nirjareśo niḥsaṃgo nigamastutaḥ || 65 ||
niṣkaṃṭako nirālaṃbo niṣpratyūho nirudbhavaḥ |
nityo niyatakalyāṇo nirvikalpo nirāśrayaḥ || 66 ||
netā nidhirnaikarūpo nirākāro nadīsutaḥ |
puliṃdakanyāramaṇaḥ purujitparamapriyaḥ || 67 ||
pratyakṣamūrtiḥ pratyakṣaḥ pareśaḥ pūrṇapuṇyadaḥ |
puṇyākaraḥ puṇyarūpaḥ puṇyaḥ puṇyaparāyaṇaḥ || 68 ||
puṇyodayaḥ paraṃ jyotiḥ puṇyakṛtpuṇyavardhanaḥ |
parānaṃdaḥ parataraḥ puṇyakīrtiḥ purātanaḥ || 69 ||
prasannarūpaḥ prāṇeśaḥ pannagaḥ pāpanāśanaḥ |
praṇatārtiharaḥ pūrṇaḥ pārvatīnaṃdanaḥ prabhuḥ || 70 ||
pūtātmā puruṣaḥ prāṇaḥ prabhavaḥ puruṣottamaḥ |
prasannaḥ paramaspaṣṭaḥ paraḥ paribṛḍhaḥ paraḥ || 71 ||
paramātmā parabrahma parārthaḥ priyadarśanaḥ |
pavitraḥ puṣṭidaḥ pūrtiḥ piṃgaḻaḥ puṣṭivardhanaḥ || 72 ||
pāpahārī pāśadharaḥ pramattāsuraśikṣakaḥ |
pāvanaḥ pāvakaḥ pūjyaḥ pūrṇānaṃdaḥ parātparaḥ || 73 ||
puṣkalaḥ pravaraḥ pūrvaḥ pitṛbhaktaḥ purogamaḥ |
prāṇadaḥ prāṇijanakaḥ pradiṣṭaḥ pāvakodbhavaḥ || 74 ||
parabrahmasvarūpaśca paramaiśvaryakāraṇam |
parardhidaḥ puṣṭikaraḥ prakāśātmā pratāpavān || 75 ||
prajñāparaḥ prakṛṣṭārthaḥ pṛthuḥ pṛthuparākramaḥ |
phaṇīśvaraḥ phaṇivaraḥ phaṇāmaṇivibhūṣaṇaḥ || 76 ||
phaladaḥ phalahastaśca phullāṃbujavilocanaḥ |
phaḍuccāṭitapāpaughaḥ phaṇilokavibhūṣaṇaḥ || 77 ||
bāhuleyo bṛhadrūpo baliṣṭho balavān balī |
brahmeśaviṣṇurūpaśca buddho buddhimatāṃ varaḥ || 78 ||
bālarūpo brahmagarbho brahmacārī budhapriyaḥ |
bahuśruto bahumato brahmaṇyo brāhmaṇapriyaḥ || 79 ||
balapramathano brahmā bahurūpo bahupradaḥ |
bṛhadbhānutanūdbhūto bṛhatseno bileśayaḥ || 80 ||
bahubāhurbalaśrīmān bahudaityavināśakaḥ |
biladvārāṃtarālastho bṛhacchaktidhanurdharaḥ || 81 ||
bālārkadyutimān bālo bṛhadvakṣā bṛhaddhanuḥ |
bhavyo bhogīśvaro bhāvyo bhavanāśo bhavapriyaḥ || 82 ||
bhaktigamyo bhayaharo bhāvajño bhaktasupriyaḥ |
bhuktimuktiprado bhogī bhagavān bhāgyavardhanaḥ || 83 ||
bhrājiṣṇurbhāvano bhartā bhīmo bhīmaparākramaḥ |
bhūtido bhūtikṛdbhoktā bhūtātmā bhuvaneśvaraḥ || 84 ||
bhāvako bhīkaro bhīṣmo bhāvakeṣṭo bhavodbhavaḥ |
bhavatāpapraśamano bhogavān bhūtabhāvanaḥ || 85 ||
bhojyaprado bhrāṃtināśo bhānumān bhuvanāśrayaḥ |
bhūribhogaprado bhadro bhajanīyo bhiṣagvaraḥ || 86 ||
mahāseno mahodāro mahāśaktirmahādyutiḥ |
mahābuddhirmahāvīryo mahotsāho mahābalaḥ || 87 ||
mahābhogī mahāmāyī medhāvī mekhalī mahān |
munistuto mahāmānyo mahānaṃdo mahāyaśāḥ || 88 ||
mahorjito mānanidhirmanorathaphalapradaḥ |
mahodayo mahāpuṇyo mahābalaparākramaḥ || 89 ||
mānado matido mālī muktāmālāvibhūṣaṇaḥ |
manoharo mahāmukhyo mahardhirmūrtimānmuniḥ || 90 ||
mahottamo mahopāyo mokṣado maṃgaḻapradaḥ |
mudākaro muktidātā mahābhogo mahoragaḥ || 91 ||
yaśaskaro yogayoniryogiṣṭho yamināṃ varaḥ |
yaśasvī yogapuruṣo yogyo yoganidhiryamī || 92 ||
yatisevyo yogayukto yogavidyogasiddhidaḥ |
yaṃtro yaṃtrī ca yaṃtrajño yaṃtravānyaṃtravāhakaḥ || 93 ||
yātanārahito yogī yogīśo yogināṃ varaḥ |
ramaṇīyo ramyarūpo rasajño rasabhāvanaḥ || 94 ||
raṃjano raṃjito rāgī ruciro rudrasaṃbhavaḥ |
raṇapriyo raṇodāro rāgadveṣavināśanaḥ || 95 ||
ratnārcī ruciro ramyo rūpalāvaṇyavigrahaḥ |
ratnāṃgadadharo ratnabhūṣaṇo ramaṇīyakaḥ || 96 ||
rucikṛdrocamānaśca raṃjito roganāśanaḥ |
rājīvākṣo rājarājo raktamālyānulepanaḥ || 97 ||
rājadvedāgamastutyo rajaḥsattvaguṇānvitaḥ |
rajanīśakalāramyo ratnakuṃḍalamaṃḍitaḥ || 98 ||
ratnasanmauliśobhāḍhyo raṇanmaṃjīrabhūṣaṇaḥ |
lokaikanātho lokeśo lalito lokanāyakaḥ || 99 ||
lokarakṣo lokaśikṣo lokalocanaraṃjitaḥ |
lokabaṃdhurlokadhātā lokatrayamahāhitaḥ || 100 ||
lokacūḍāmaṇirlokavaṃdyo lāvaṇyavigrahaḥ |
lokādhyakṣastu līlāvānlokottaraguṇānvitaḥ || 101 ||
variṣṭho varado vaidyo viśiṣṭo vikramo vibhuḥ |
vibudhāgracaro vaśyo vikalpaparivarjitaḥ || 102 ||
vipāśo vigatātaṃko vicitrāṃgo virocanaḥ |
vidyādharo viśuddhātmā vedāṃgo vibudhapriyaḥ || 103 ||
vacaskaro vyāpakaśca vijñānī vinayānvitaḥ |
vidvattamo virodhighno vīro vigatarāgavān || 104 ||
vītabhāvo vinītātmā vedagarbho vasupradaḥ |
viśvadīptirviśālākṣo vijitātmā vibhāvanaḥ || 105 ||
vedavedyo vidheyātmā vītadoṣaśca vedavit |
viśvakarmā vītabhayo vāgīśo vāsavārcitaḥ || 106 ||
vīradhvaṃso viśvamūrtirviśvarūpo varāsanaḥ |
viśākho vimalo vāgmī vidvānvedadharo vaṭuḥ || 107 ||
vīracūḍāmaṇirvīro vidyeśo vibudhāśrayaḥ |
vijayī vinayī vettā varīyānvirajā vasuḥ || 108 ||
vīraghno vijvaro vedyo vegavānvīryavānvaśī |
varaśīlo varaguṇo viśoko vajradhārakaḥ || 109 ||
śarajanmā śaktidharaḥ śatrughnaḥ śikhivāhanaḥ |
śrīmān śiṣṭaḥ śuciḥ śuddhaḥ śāśvataḥ śrutisāgaraḥ || 110 ||
śaraṇyaḥ śubhadaḥ śarma śiṣṭeṣṭaḥ śubhalakṣaṇaḥ |
śāṃtaḥ śūladharaḥ śreṣṭhaḥ śuddhātmā śaṃkaraḥ śivaḥ || 111 ||
śitikaṃṭhātmajaḥ śūraḥ śāṃtidaḥ śokanāśanaḥ |
ṣāṇmāturaḥ ṣaṇmukhaśca ṣaḍguṇaiśvaryasaṃyutaḥ || 112 ||
ṣaṭcakrasthaḥ ṣaḍūrmighnaḥ ṣaḍaṃgaśrutipāragaḥ |
ṣaḍbhāvarahitaḥ ṣaṭkaḥ ṣaṭchāstrasmṛtipāragaḥ || 113 ||
ṣaḍvargadātā ṣaḍgrīvaḥ ṣaḍarighnaḥ ṣaḍāśrayaḥ |
ṣaṭkirīṭadharaḥ śrīmān ṣaḍādhāraśca ṣaṭkramaḥ || 114 ||
ṣaṭkoṇamadhyanilayaḥ ṣaṃḍatvaparihārakaḥ |
senānīḥ subhagaḥ skaṃdaḥ surānaṃdaḥ satāṃ gatiḥ || 115 ||
subrahmaṇyaḥ surādhyakṣaḥ sarvajñaḥ sarvadaḥ sukhī |
sulabhaḥ siddhidaḥ saumyaḥ siddheśaḥ siddhisādhanaḥ || 116 ||
siddhārthaḥ siddhasaṃkalpaḥ siddhasādhuḥ sureśvaraḥ |
subhujaḥ sarvadṛksākṣī suprasādaḥ sanātanaḥ || 117 ||
sudhāpatiḥ svayaṃjyotiḥ svayaṃbhūḥ sarvatomukhaḥ |
samarthaḥ satkṛtiḥ sūkṣmaḥ sughoṣaḥ sukhadaḥ suhṛt || 118 ||
suprasannaḥ suraśreṣṭhaḥ suśīlaḥ satyasādhakaḥ |
saṃbhāvyaḥ sumanāḥ sevyaḥ sakalāgamapāragaḥ || 119 ||
suvyaktaḥ saccidānaṃdaḥ suvīraḥ sujanāśrayaḥ |
sarvalakṣaṇasaṃpannaḥ satyadharmaparāyaṇaḥ || 120 ||
sarvadevamayaḥ satyaḥ sadā mṛṣṭānnadāyakaḥ |
sudhāpī sumatiḥ satyaḥ sarvavighnavināśanaḥ || 121 ||
sarvaduḥkhapraśamanaḥ sukumāraḥ sulocanaḥ |
sugrīvaḥ sudhṛtiḥ sāraḥ surārādhyaḥ suvikramaḥ || 122 ||
surārighnaḥ svarṇavarṇaḥ sarparājaḥ sadā śuciḥ |
saptārcirbhūḥ suravaraḥ sarvāyudhaviśāradaḥ || 123 ||
hasticarmāṃbarasuto hastivāhanasevitaḥ |
hastacitrāyudhadharo hṛtāgho hasitānanaḥ || 124 ||
hemabhūṣo haridvarṇo hṛṣṭido hṛṣṭivardhanaḥ |
hemādribhiddhaṃsarūpo huṃkārahatakilbiṣaḥ || 125 ||
himādrijātātanujo harikeśo hiraṇmayaḥ |
hṛdyo hṛṣṭo harisakho haṃso haṃsagatirhaviḥ || 126 ||
hiraṇyavarṇo hitakṛddharṣado hemabhūṣaṇaḥ |
harapriyo hitakaro hatapāpo harodbhavaḥ || 127 ||
kṣemadaḥ kṣemakṛtkṣemyaḥ kṣetrajñaḥ kṣāmavarjitaḥ |
kṣetrapālaḥ kṣamādhāraḥ kṣemakṣetraḥ kṣamākaraḥ || 128 ||
kṣudraghnaḥ kṣāṃtidaḥ kṣemaḥ kṣitibhūṣaḥ kṣamāśrayaḥ |
kṣālitāghaḥ kṣitidharaḥ kṣīṇasaṃrakṣaṇakṣamaḥ || 129 ||
kṣaṇabhaṃgurasannaddhaghanaśobhikapardakaḥ |
kṣitibhṛnnāthatanayāmukhapaṃkajabhāskaraḥ || 130 ||
kṣatāhitaḥ kṣaraḥ kṣaṃtā kṣatadoṣaḥ kṣamānidhiḥ |
kṣapitākhilasaṃtāpaḥ kṣapānāthasamānanaḥ || 131 ||
uttara nyāsaḥ |
karanyāsaḥ –
oṃ śaṃ oṃkārasvarūpāya ojodharāya ojasvine suhṛdayāya hṛṣṭacittātmane bhāsvararūpāya aṃguṣṭhābhyāṃ namaḥ |
oṃ raṃ ṣaṭkoṇamadhyanilayāya ṣaṭkirīṭadharāya śrīmate ṣaḍādhārāya tarjanībhyāṃ namaḥ |
oṃ vaṃ ṣaṇmukhāya śarajanmane śubhalakṣaṇāya śikhivāhanāya madhyamābhyāṃ namaḥ |
oṃ ṇaṃ kṛśānusaṃbhavāya kavacine kukkuṭadhvajāya anāmikābhyāṃ namaḥ |
oṃ bhaṃ kaṃdarpakoṭidīpyamānāya dviṣaḍbāhave dvādaśākṣāya kaniṣṭhikābhyāṃ namaḥ |
oṃ vaṃ kheṭadharāya khaḍgine śaktihastāya karatalakarapṛṣṭhābhyāṃ namaḥ |
hṛdayādinyāsaḥ –
oṃ śaṃ oṃkārasvarūpāya ojodharāya ojasvine suhṛdayāya hṛṣṭacittātmane bhāsvararūpāya hṛdayāya namaḥ |
oṃ raṃ ṣaṭkoṇamadhyanilayāya ṣaṭkirīṭadharāya śrīmate ṣaḍādhārāya śirase svāhā |
oṃ vaṃ ṣaṇmukhāya śarajanmane śubhalakṣaṇāya śikhivāhanāya śikhāyai vaṣaṭ |
oṃ ṇaṃ kṛśānusaṃbhavāya kavacine kukkuṭadhvajāya kavacāya hum |
oṃ bhaṃ kaṃdarpakoṭidīpyamānāya dviṣaḍbāhave dvādaśākṣāya netratrayāya vauṣaṭ |
oṃ vaṃ kheṭadharāya khaḍgine śaktihastāya astrāya phaṭ |
bhūrbhuvassuvaromiti digvimokaḥ |
phalaśruti |
iti nāmnāṃ sahasrāṇi ṣaṇmukhasya ca nārada |
yaḥ paṭhecchṛṇuyādvāpi bhaktiyuktena cetasā || 1 ||
sa sadyo mucyate pāpairmanovākkāyasaṃbhavaiḥ |
āyurvṛddhikaraṃ puṃsāṃ sthairyavīryavivardhanam || 2 ||
vākyenaikena vakṣyāmi vāṃchitārthaṃ prayacchati |
tasmātsarvātmanā brahmanniyamena japetsudhīḥ || 3 ||
iti skaṃdapurāṇe īśvaraprokte brahmanāradasaṃvāde śrī subrahmaṇya sahasranāma stotram
