dvādaśa jyotirliṃga stotraṃ
laghu stotraṃ
saurāṣṭre somanādhaṃca śrīśaile mallikārjunam |
ujjayinyāṃ mahākālaṃ oṃkāretvamāmaleśvaram ||
parlyāṃ vaidyanādhaṃca ḍhākinyāṃ bhīma śaṃkaram |
setubaṃdhetu rāmeśaṃ nāgeśaṃ dārukāvane ||
vāraṇāśyāṃtu viśveśaṃ trayaṃbakaṃ gautamītaṭe |
himālayetu kedāraṃ ghṛṣṇeśaṃtu viśālake ||
etāni jyotirliṃgāni sāyaṃ prātaḥ paṭhennaraḥ |
sapta janma kṛtaṃ pāpaṃ smaraṇena vinaśyati ||
saṃpūrṇa stotraṃ
saurāṣṭradeśe viśade’tiramye jyotirmayaṃ caṃdrakaḻāvataṃsam |
bhaktapradānāya kṛpāvatīrṇaṃ taṃ somanāthaṃ śaraṇaṃ prapadye || 1 ||
śrīśailaśṛṃge vividhaprasaṃge śeṣādriśṛṃge’pi sadā vasaṃtam |
tamarjunaṃ mallikapūrvamenaṃ namāmi saṃsārasamudrasetum || 2 ||
avaṃtikāyāṃ vihitāvatāraṃ muktipradānāya ca sajjanānām |
akālamṛtyoḥ parirakṣaṇārthaṃ vaṃde mahākālamahāsureśam || 3 ||
kāverikānarmadayoḥ pavitre samāgame sajjanatāraṇāya |
sadaiva māṃdhātṛpure vasaṃtaṃ oṃkāramīśaṃ śivamekamīḍe || 4 ||
pūrvottare prajvalikānidhāne sadā vasaṃ taṃ girijāsametam |
surāsurārādhitapādapadmaṃ śrīvaidyanāthaṃ tamahaṃ namāmi || 5 ||
yaṃ ḍākiniśākinikāsamāje niṣevyamāṇaṃ piśitāśanaiśca |
sadaiva bhīmādipadaprasiddhaṃ taṃ śaṃkaraṃ bhaktahitaṃ namāmi || 6 ||
śrītāmraparṇījalarāśiyoge nibadhya setuṃ viśikhairasaṃkhyaiḥ |
śrīrāmacaṃdreṇa samarpitaṃ taṃ rāmeśvarākhyaṃ niyataṃ namāmi || 7 ||
yāmye sadaṃge nagare’tiramye vibhūṣitāṃgaṃ vividhaiśca bhogaiḥ |
sadbhaktimuktipradamīśamekaṃ śrīnāganāthaṃ śaraṇaṃ prapadye || 8 ||
sānaṃdamānaṃdavane vasaṃtaṃ ānaṃdakaṃdaṃ hatapāpabṛṃdam |
vārāṇasīnāthamanāthanāthaṃ śrīviśvanāthaṃ śaraṇaṃ prapadye || 9 ||
sahyādriśīrṣe vimale vasaṃtaṃ godāvaritīrapavitradeśe |
yaddarśanāt pātakaṃ pāśu nāśaṃ prayāti taṃ tryaṃbakamīśamīḍe || 10 ||
mahādripārśve ca taṭe ramaṃtaṃ saṃpūjyamānaṃ satataṃ munīṃdraiḥ |
surāsurairyakṣa mahoragāḍhyaiḥ kedāramīśaṃ śivamekamīḍe || 11 ||
ilāpure ramyaviśālake’smin samullasaṃtaṃ ca jagadvareṇyam |
vaṃde mahodāratarasvabhāvaṃ ghṛṣṇeśvarākhyaṃ śaraṇaṃ prapadye || 12 ||
jyotirmayadvādaśaliṃgakānāṃ śivātmanāṃ proktamidaṃ krameṇa |
stotraṃ paṭhitvā manujo’tibhaktyā phalaṃ tadālokya nijaṃ bhajecca ||
