śrī gurvaṣṭakaṃ (guru aṣṭakaṃ)
śarīraṃ surūpaṃ tathā vā kalatraṃ
yaśaścāru citraṃ dhanaṃ meru tulyam |
manaścena lagnaṃ guroraṃghripadme
tataḥ kiṃ tataḥ kiṃ tataḥ kiṃ tataḥ kim || 1 ||
kalatraṃ dhanaṃ putra pautrādisarvaṃ
gṛho bāṃdhavāḥ sarvametaddhi jātam |
manaścena lagnaṃ guroraṃghripadme
tataḥ kiṃ tataḥ kiṃ tataḥ kiṃ tataḥ kim || 2 ||
ṣaḍkṣaṃgādivedo mukhe śāstravidyā
kavitvādi gadyaṃ supadyaṃ karoti |
manaścena lagnaṃ guroraṃghripadme
tataḥ kiṃ tataḥ kiṃ tataḥ kiṃ tataḥ kim || 3 ||
videśeṣu mānyaḥ svadeśeṣu dhanyaḥ
sadācāravṛtteṣu matto na cānyaḥ |
manaścena lagnaṃ guroraṃghripadme
tataḥ kiṃ tataḥ kiṃ tataḥ kiṃ tataḥ kim || 4 ||
kṣamāmaṃḍale bhūpabhūpalabṛbdaiḥ
sadā sevitaṃ yasya pādāraviṃdam |
manaścena lagnaṃ guroraṃghripadme
tataḥ kiṃ tataḥ kiṃ tataḥ kiṃ tataḥ kim || 5 ||
yaśo me gataṃ dikṣu dānapratāpāt
jagadvastu sarvaṃ kare yatprasādāt |
manaścena lagnaṃ guroraṃghripadme
tataḥ kiṃ tataḥ kiṃ tataḥ kiṃ tataḥ kim || 6 ||
na bhoge na yoge na vā vājirājau
na kaṃtāmukhe naiva vitteṣu cittam |
manaścena lagnaṃ guroraṃghripadme
tataḥ kiṃ tataḥ kiṃ tataḥ kiṃ tataḥ kim || 7 ||
araṇye na vā svasya gehe na kārye
na dehe mano vartate me tvanardhye |
manaścena lagnaṃ guroraṃghripadme
tataḥ kiṃ tataḥ kiṃ tataḥ kiṃ tataḥ kim || 8 ||
guroraṣṭakaṃ yaḥ paṭhetpurāyadehī
yatirbhūpatirbrahmacārī ca gehī |
lamedvācchitāthaṃ padaṃ brahmasaṃjñaṃ
guroruktavākye mano yasya lagnam || 9 ||
